ولادیمیر پوتین جەختی لەوە کردەوە کە ڕووسیا "لە هیچ بارودۆخێکدا" دەستپێشخەری بەکارهێنانی ئەو چەکانە نابێت
سەرۆکی ڕووسیا کە وادیارە چاوەڕوانی سەرکەوتنی لە شەڕی ئۆکرانیا دەکرد لە ماوەی چەند ڕۆژێکدا، دانی بەوەدانا کە شەڕی ئۆکرانیا دەتوانێت "پرۆسەیەکی درێژخایەن" بێت لەگەڵ بەردەوامبوونی ململانێکان مەترسییەکانی شەڕی ئەتۆمی لە زیادبووندایە، بەڵام جەختی لەوە کردەوە کە ڕووسیا دەست پێشخەریلە بە بەکارهێنانی چەکی ئەتۆمی ناکات.
لە کۆبوونەوەی ساڵانەی ئەنجوومەنی مافی مرۆڤی ڕووسیا کە لە ژێر چاودێری حکومەتەکەیە، جەختی لەوە کردەوە کە ڕووسیا تەنیا لە وەڵامی هێرشەکانی لایەنی بەرامبەردا چەکی کۆمەڵکوژ بەکاردەهێنێت.
و لەدوای لەشکرکێشی مانگی شوباتی ئۆکرانیا ڕوسیا لەژێر چاودێری حکومەتەکانی ڕۆژئاوادا بووە بۆ بەکارهێنانی چەکی ئەتۆمی.
پوتین لە ڕێگەی لینکی ڤیدیۆییەوە لە مۆسکۆوە سەبارەت بە ئاسۆی شەڕی ئەتۆمی قسەی کرد و هۆشداریدا و وتی: هەڕەشەیەکی لەو شێوەیە لە گەشەکردندایە، شاردنەوەی هەڵە دەبێت
بەڵام جەختی لەوە کردەوە کە ڕووسیا "لە هیچ بارودۆخێکدا" دەستپێشخەری بەکارهێنانی ئەو چەکانە نابێت و بە جبەخانەی ئەتۆمی خۆی هەڕەشە لە هیچ کەسێک ناکات.
ڤلادیمێر پوتین وتی: ئێمە شێت نین، دەزانین چەکی ئەتۆمی چییە و بەنیازنین بە هەموو جیهاندا بگەڕێین و وەک شمشێر ئەم چەکە بەدەستەوە بگرین و هەڕەشەی پێ بکەین.
لەهەمانکاتدا ئاماژەی بەوەدا کە ڕووسیا خاوەنی پێشکەوتووترین چەکی ئەتۆمییە لە جیهاندا و ستراتیژی ئەتۆمییەکەی لەگەڵ ئەمریکا بەراورد کرد و ڕایگەیاند کە ئەمریکییەکان، کە بە گوتەی ئەو، بە جێگیرکردنی چەکی ئەتۆمی خۆیان لەسەر خاکەکانی دیکە، ڕووسیایان تێپەڕاندووە .
سەرۆک کۆماری ڕووسیا وتی: ئێمە چەکی ئەتۆمیمان نییە کە بە چەکی ئەتۆمی تاکتیک، لەسەر خاکی وڵاتانی دیکە بەکار بهینین بەڵام ئەمریکییەکان ئەو جۆرە چەکانەیان لە تورکیا و ژمارەیەک وڵاتی دیکەی ئەوروپا جێگیر کردووە.
