یەکێتی ئەمشەو بە ئامادەبوونی ڕێبەری یەکێتی شۆڕشگێرانی کوردستان کاکی ڕۆستەم ئاڵماسی و کۆی کادر و ئەندامانی، کۆبوونەوەی ئاسایی خۆی کرد. لە کۆبوونەوەدا بە فراوانی دۆخی سیاسی کوردستان، رۆژهەڵاتیی ناوەڕاست و جیهان تاوتوێ کران.
لە کۆبوونەوەکەدا باس لە بارودۆخی ئێستای ڕۆژهەڵاتی کوردستان و ناوچەکە تاووتوێکرا و و بە وردی تیشکی خرا سەر دەستدرێژی و داگیرکارییەکانی تورکیا لە ڕۆژئاوای کوردستان و باشووری کوردستان، و دۆخی حیزبە کوردستانیەکانی ڕۆژهەڵات لە باشووری کوردستان لەوانەش شەڕی ئێستای نێوان فەلەستین و ئیسرائیل چەندین وڵاتانەی پاڵپشتی ئەم شەڕەن کە وڵاتانی سووتەمەنی ئەم شەڕە تورکیا و ئێران ڕۆڵی سەرکین..
گۆڕانکارییەکانی ڕۆژهەڵاتی ناوەڕاست و هەبوونی کورد لەچوارچێوەیدا، بەشە گرینگەکەی بووە لە باسەکانی کۆبوونەوەی یەکێتی، دۆخی ڕۆژهەڵاتی کوردستان و ملیتاریزەکردنی کوردستان و بەلوچستان، هەروەها چۆڵ کردنی بەشێک لە بارگاو مەقەرەکانی حیزبە کوردستانیەکانی ڕۆژهەڵات لە باشووری کوردستان بەشێکی دیکەی گفتوگۆکە بووە.
بە درووشمی قۆناغ، قۆناغی هەلگرساندنی هەڵومەرجێکە بۆ کۆتایی بە داگیرکاریەکانی کوردستان کۆبنەوەکە بەرێوە چوو
تەوەرێکی سەرەکیی کۆبوونەوە تایبەت بوو بە ستراتیژی دەولەتانی داگیرکەری کوردستان، لەپێش هەمووشیانەوە دەوڵەتی داگیرکەری ئێران دوای زیاد لە ساڵیک تێپەربوون بە سەر ڕاپەرێنی ژن ژیان ئازادی و بارودۆخی زیندانیانی گرێدراو بە ڕاپەرین چارەنووسی نادیار و حوکمی ئێعدام بەسەر زۆرینەی زیندانیان و هەڕشە لە بێ دەنگی بنەماڵەی شەهیدان و زیندانیان وهەر وەها داگیرکاریەکانی تورکیا کە لە ئێستادا داینەمۆی سەرەکیی و رێکخەریی سەرەکیی هیرش کردنە سەر دەستکەوتەکانی کوردستانیانە لە ڕۆژئاوای کوردستان و باشووری کوردستان. لەو چوارچێوەیەشدا جەخت لەسەرئەوە کرایەوە، کە چارەنووسی رۆژهەڵاتی ناوەڕاست بە هەڵوێست و پپێگەو هەمانکات یەکڕیزیی و هەڵۆمەرجێکە کە کورد و کوردستانیانەوە بیرەخسێنن گرێدراوە.
هەرکەس ئەو راستییە ئەزانێت کە لە ڕۆژهەڵاتی ناوەڕاستدا گۆڕانکاریی بەڕێوەیە، زلهێزەکانی دنیا بەتایبەت هەریەکەو بەشێوازی خۆی و بۆ بەرژەوەندی خۆی رۆڵ و کاریگەرییان لە ناوچەکەدا هەیە. کوردستانیش لە ڕووی جوگرافی و سیاسی و ئابووری لە ناوجەرگەی رووداوەکاندایە.
کورد دەتوانی ئەکتەرێکی سەرەکیی گۆڕانکارییەکانن لە ناوچەکەدابێت هەربۆیە هەر بژاردەو ئەڵتەرناتیڤێک بۆ چارەسەریی و سەقامگیریی لە ناوچەکە بە بێ بەشداریی ئێمە بێ ئاکام ئەمێنێتەوە. درووشمی قۆناغ، قۆناغی هەلگرساندنی هەڵومەرجێکە بۆ کۆتایی بە داگیرکاریەکانی کوردستان، پڕ بە پێستی ئەم دۆخەیە ئەگەر ئێمە بە هۆشیاریی و هەستکردن بە بەرپرسیاریەی نەتەوەیی و نیشتمانییەوە مامەڵەی لەگەڵ بکەین.
دەولەتانی داگیرکەری کوردستان بە دەست قەیرانی قووڵی ناوخۆیی و دەرەکییەوە گیریان خواردووە. دەوڵەتی داگیرکەری ئێران و تورکیە کە دوژمنێکی سەرسەخت و سەرەکی کورد و کوردستانن، لە تێڕوانینی نێونەتەوەییدا بوونەتە بە ئەکتەری شەڕ و نائارامیی هەڕشە بۆ جیهان کە وەک هێز و دەسەلاتێکی بێزراو و نەخوازراو مەمەلەیان لەگەڵ ئەکرێت. لەناوخۆشدا سەرەڕای قەیرانی سیاسی و ئابووریی، هێرش و پەلامارەکانی بۆ سەر خەڵکی کوردستان لە هەمانکاتا تێکشکاندنی سنووری باشووری کوردستان و هەڕشە بۆ سەر حیزبە کوردستانیەکان و دەستێوەردان هەڵگرسێنەری شەڕی و نائارامی و ئەوەندەی تر قەیرانەکانی قووڵتر کردۆتەوەو ئەو رژێمەی پەراوێزی خستووە. لەلایەکەوە هێرشەکانی هیرش و هەڕشەیان بۆ سەر گەلەکەمان لە زیادبووندایە..
ئەوەش واقعیەتێکە کە داگیرکەران بوونی رژێمەکانیان بە نەبوونی کوردانەوە بەستۆتەوە هەموو حەولی بۆ دیموگرافی و لەنێوچونی گەڵ ناوچە کوردستانیەکان دەدەن . خۆراگری سەدان ساڵەی نەتەوەکەمان بۆ دەوڵەتانی داگیرکەر بووتە ئاستەنگیەکی گەورە هەرچەند بە تەکنەلۆژیای پێشکەوتووی سەربازیی لە دژی کورد شەڕێکی دژوار و خوێناوی ئەکات، بەڵام لە کوردستان لە دۆخێکی ناهەموار و تەنگاوی دان و پیلان بە پیلان لە شکستخواردندان. ئەم راستییانە دەرفەتی مەزن بۆ کورد و کوردستانیان ئەڕەخسێنن.
تێکۆشان دژی سیاسەتی داگیرکاریی دەوڵەتی ئێران لە ئاستی دیپلۆماسیی و سیاسی و چالاکی ناوخۆیی هەروەها چالاکبوونی خەڵکی کوردستان لەئەمڕۆدا، پێویستیەکی ژیانییە. بۆ ئەم ئامانجانەو و رزگاربوونی گەلەکەمان لە م دۆخە نالەبارە، لە هەر شتێک پێشتر یەکڕیزی و یەکگوتاری و یەکسەنگەریی هێزەسیاسیەکانی رۆژهەڵاتی کوردستانە.ئەمانە هەموو ئەو پرسانەن کە بە پلەی یەکەم حیزبەکان وەک نوێنەری بەشی سیاسی و ڕزگاری خوازی بەرپرسە و پێویستە خاوەندارییان لێبکات.
کۆبوونەوەکە لە ڕێگای تۆڕی ئینتەرنێتەوە بەڕێوەچوو.
