بە بۆنەی ڕۆژی جیهانی زمانی دایک کە لە لایەن یونسکۆوە دیاری کرا، یەکێتی شۆڕشگێڕانی کوردستان جارێکی تر جەخت لەسەر بنەمایەکی بنەڕەتی دەکاتەوە:
مافی فێرکردن و نووسین بە زمانی دایکی، مافێکی سروشتی و مێژووییە و مەعاملەی لە سەر ناکرێت.
زمانی دایکی تەنیا ئامرازی پەیوەندیکردن نییە؛ زمان میژووی نەتەوەیەکە و پایەی شوناسی نەتەوەیی و بەردی بناغەی بەئاگاهاتنەوەی سیاسی و کولتوورییە. نەتەوەیەک کە بە زمانی دایکی لە خوێندن بێبەش بێت، لە ڕاستیدا مافی گێڕانەوەی مێژووی خۆی و گواستنەوەی کولتوورەکەی و بنیاتنانی داهاتووی خۆی بێبەشە.
لەو جوگرافیایەی کە بە ئێران ناسراوە، گەلانی ژێر ستەم بە تایبەت نەتەوەی کورد لە کوردستانی گەورە دەیان ساڵە ڕووبەڕووی سیاسەتی سیستماتیکی ئاسمیلەکردن و ئینکاری ناسنامە و قەدەغەکردنی کردەیی خوێندن بە زمانی دایکی خۆیان بوونەتەوە. ئەم سیاسەتانە بەهۆی نەزانییەوە نەبووە، بەڵکو بەشێک بوون لە پڕۆژەیەکی ناوەندگەرایی و ئاسمیلەکردنی زۆرەملێ.
یەکێتی شۆڕشگێڕانی کوردستان ڕێکخراوی یاری کورد
خوێندنی فەرمی بە زمانی کوردی لە هەموو ئاستەکانی خوێندندا مافێکی بێبەشنەکراوە.
گەشەپێدانی زانستی و ئەدەبی و میدیایی لە زمانی کوردیدا قەڵای بەرخۆدانی کولتووری میللەتەکەمانە.
هاوپشتی نێوان هەموو گەلانی ستەملێکراو بۆ بەرگریکردن لە زمانی دایکی بەشێکە لە خەباتی هاوبەش لە دژی هەژموون و نکۆڵیکردن لە ناسنامە.
ئێمە پێمان وایە ئازادی سیاسی بەبێ ئازادی زمانەوانی ناتەواوە و سەربەخۆیی کولتووری بەبێ سەروەری نەتەوەیی بەدی نایەت.
لەم ڕۆژەدا داوا لە ڕۆشنبیران، نووسەران، مامۆستایان، چالاکانی مەدەنی و بنەماڵەکان دەکەین، کە فێرکردن و نووسین بە زمانی دایکی نەک تەنیا بە هەڵبژاردنی کولتووری، بەڵکو بە ئەرکێکی نەتەوەیی لەبەرچاو بگرن. هەر کتێبێک بە زمانی کوردی، هەر قوتابخانەیەکی کوردی، هەر منداڵێک کە بە زمانی دایکی خۆی بنووسێت، هەنگاوێکە بەرەو ڕزگاریی کوردستان.
زمانمان زیندووە چونکە میللەتەکەمان زیندووە.
