داخوازییە بۆ کۆنگرەی نەتەوەیی کوردستان (کەنەکە) و حیزب و ڕێکخراوە سیاسی و مەدەنییەکانی باکوری کوردستان
بە ڕێزەوە،
لە بارودۆخێکی هەستیار و چارەنووسسازدا بۆ گەلی کورد و لە کاتێکدا کە پێشهاتە ناوچەییەکان بە خێراییەکی ترسناک بەرەوپێش دەچن، ڕۆژاوای کوردستان جارێکی دیکە کەوتۆتە بەر هیرشی سەربازی و سیاسی لە شەڕێکی چارەنوس سازە. داگیرکاری و دەستێوەردانەکانی بەردەوامی حکوومەتی تورکیا، بە هەماهەنگییەکی ڕوون لەگەڵ ئەو پێکهاتانەی کە شەرعیەتی جەماوەرییان نییە لە سووریا، نەک تەنیا ئاسایش و سەقامگیریی ڕۆژاوای کردۆتە ئامانج، بەڵکو تەواوی دەستکەوتەکانی خەباتی گەلی کورد لەم بەشەی کوردستانیشدا خستوەتە مەترسی.
ڕۆژاوای کوردستان دەرئەنجامی ساڵانێک بەرخۆدان و قوربانیدان و ڕێکخستنی کۆمەڵایەتی-سیاسییە و لە هاوکێشەکانی پرسی کورد لەسەر ئاستی ناوچەیی و نێودەوڵەتی ڕۆڵێکی سەرەکی دەگێڕێت. هەر لاوازبوونێکی ئەم ئەزموونە دەرئەنجامەکانی لە دەرەوەی سنوورە جوگرافییەکانی دەبێت و کاریگەری لەسەر هەموو بەشەکانی کوردستان دەبێت.
لەو چوارچێوەیەدا پێمان وایە باکور کوردستان بە پێگەی تایبەتی سیاسی و کۆمەڵایەتی و دیمۆگرافیای خۆیەوە، توانایەکی یەکلاکەرەوەی هەیە بۆ کەمکردنەوەی بەشێک لە فشارە شەڕ و ئەمنییەکان لەسەر ڕۆژاوای کوردستان. کردەوەی مەدەنی و سیاسی و ئاشتیانەی خەڵکی باکور، لە شێوەی ناڕەزایەتی ڕێکخراو و ڕەوا، دەتوانێت تێچووی سیاسی و یاسایی و نێودەوڵەتیی دەستێوەردانەکانی حکومەتی تورکیا زیاد بکات و بەشێکی تەرکیز و ئۆپەراسیۆنی خۆی سنووردار بکات توانا.
کۆنگرەی نەتەوەیی کوردستان (کەنەکە) حیزب و ڕێکخراوە سیاسییەکانی ڕێکخراو و سەندیکا و پێکهاتە کۆمەڵایەتیەکانی کۆمەڵگەی مەدەنی کوردی لە باکووری کوردستان
بۆ گرتنەبەری هەنگاوی کردەیی و کاریگەر، بە لەبەرچاوگرتنی بەرپرسیارێتیی مێژوویی و نەتەوەیی خۆیان، بۆ بەهێزکردنی هاودەنگیی نەتەوەیی، ڕێکخستنی گوشاری سیاسی ڕەوا و چالاکانە پشتیوانی لە ڕۆژاڤای کوردستان، لە چوارچێوەیەکی هەماهەنگ و عەقڵانیدا کە لەسەر بنەمای بەرژەوەندییە باڵاکانی گەلی کوردستان بێت.
جەخت لەوە دەکەینەوە کە ئەم ڕێبازە بانگهێشتی گرژی و توندوتیژی نییە، بەڵکو پشت بەستن بە ئامرازی مەدەنی و سیاسی و یاسایی و بەکارهێنانی ئیرادەی بەکۆمەڵی گەلی کوردە؛ ڕێگایەک کە بتوانێت ڕێگری لە قوڵبوونەوەی قەیران و تەشەنەکردنی شەڕ بکات گەرانەوەی هێزەکانی تورکیە لە رؤژاواو سوریە و دەنگی گەلی کورد بە بەرپرسیارانە و کاریگەرانە بگەیەنێتە بیروڕای گشتی ناوچەیی و جیهانی.
ئەمڕۆ، زیاتر لە جاران،
ڕیکەوتنی سیاسی و یەکڕیزی هەڵوێست و کردەوەی نیشتمانی بەرپرسیارانەیە مەرجی بنەڕەتی پاراستنی دەستکەوتەکان و دەستەبەرکردنی داهاتووی کوردستانە.
