دوو ڕۆژی ڕابردوو ئاگری شەڕی نێوان دوو ڕژێمی کۆماری ئیسلامی ئێران و دەوڵەتی ئیسرائیل جارێکی دیکە واقیعی ڕۆژهەڵاتی ناوەڕاستی ئاشکرا کرد: لەم جوگرافیە داسەپاوە بە سەر گەلانی بندەستی لەم شەڕە هیچ لایەنێک نوێنەرایەتی خەڵکی هیچ نەتەوەیەک ناکات. ئەو شەڕەی لەژێر پەردەی بەرگریکردن لە ئاسایش دەستی پێکرد، نە بۆ گەلی کوردستان، نە بۆ نەتەوە ژێردەستەکان، نە بۆ ناوەندگەراکان، ڕزگاری دەبێت. ئەم شەڕە سەربەخۆیی نە بۆ کوری تێدایە نە بۆ هیچ میللەتێک ژێردەست و نە کۆتایی بە برسێتی و قڕکردنی دەهێنێت، نە ڕێگری لە هەژاری و چەوساندنەوەی ئەکات . ئەم شەڕە ڕووبەڕووبوونەوەی دوو دەوڵەتی ئاپارتاید و تۆتالیتارییە کە قوربانییان هەمیشە نەتەوەی بێ بەرگری بووە - بە نەتەوەی کوردیشەوە.
بەڵام لە دڵی ئەم شەڕە، دەرفەتێکی مێژوویی بۆ کوردستان هەڵکەوتووە؛ دەرفەتێک کە ڕەنگە لە چەند دەیەیەکدا جارێک بێت. بەڵام بەگشتی پەیامی لایەنە کوردستانیەکان ئەوەیە کە خاڵی هاوبەشمان هەیە.
ئێستا کاتی بڕیارێکی مێژووییە کاری هاوبەشە.
یەکێتی شۆڕشگێڕانی کوردستان و ڕێکخراوی یاریی کورد ڕوونترین و ڕاستگۆترین پەیام دەنێرن: یان ئێستا یەکبگرن یان شەرمەزاریی مێژوو قبوڵ بکەن، چونکە تەنها خۆڕاگری و ئامادەکاری سەربازی و یەکگرتوویی هۆشیارانە دەتوانێت بەرەو ئازادیمان ببات.
ساڵانێکە نەتەوەی کورد لەژێر دەسەڵاتی ڕژێمە داگیرکەرەکاندا شەڕی مان و نەمان دەکات و خۆڕاگرانە بەرخۆدانی کردوە.
لە ئێراندا ئێمە لە بەردەم کۆماری ئیسلامیداین، نیزامێک کە هەمیشە کوردستانی کردووە بە سەنگەر و لەسێدارەدان و بێبەشکردن لە هەموو مافەنەتەوەیەکانمان. لە تورکیا ڕووبەڕووی فاشیزمی تورکیا دەبینەوە، لە سوریا حکومەتی بەعس و ئەمڕۆش تیرۆریستان بەعسی بە کۆت و شەڵوار و کراواتەوە و لە عێراقیش حکومەتی ڕەگەزپەرست و بەکرێگیراو.
هەموو ئەمانە لە یەکگرتوویی ئێمە دەترسن، هیچ کامیان لە کوردێکی یەکگرتوو ناترسن؛ بەڵکو لە یەکگرتوویی کورد دەترسن.
ئەمڕۆ ئیسرائیل و کۆماری ئیسلامی لە شەڕدان، ڕۆژهەڵاتی ناوەڕاست لە لێواری دووبارە کێشانەوەی سنووریکی دەسەڵاتی زڵهێزاندایە ، وە ئەگەر لە ساتێکی ئاوادا ئێمە، لە هەموو حیزب و جەریانێکدا، نەتوانین هەنگاوێکی بەکردەوە هاوبەش بنێین، ئەم دەرفەتە دەگۆڕێت بۆ هەڕەشە؛ هەڕەشەیەک کە جارێکی تر بەدەیان ساڵ بۆ ڕزگاری گەڵەکەمان دوامان دەخات، یان بە مانەوەی ڕژیم ، یان بە سەرهەڵدانی دەوڵەتێکی هەڵبژێردراو و بەکرێگیراویتر،
پێکهێنانی دەستبەجێی بەرەی یەکگرتووی شۆڕشگێڕی کوردستان: پێویستە هەموو حیزب و ڕێکخراو و بزوتنەوە و دامەزراوە شۆڕشگێڕە کوردییەکان ناکۆکیەکانیان وەلا بنێن و دەستەیەکی هاوبەشی جێبەجێکردن و ئۆپەراسیۆن پێکبهێنن
1- ڕێکخستنی خەڵک لە پارێزگاکانی کوردستان: لە بەرامبەر لاوازیی کۆماری ئیسلامی و ناسەقامگیریی ناوچەکە، پێویستە شوراکانی گەل لە شار و گوندەکانی کوردستان بەهێز بکرێن.
2. ئامادەیی سەربازی بۆ بەرگری و هێرش: یەکگرتوویی هێزە چەکدارەکانی کورد مەرجی مانەوە و سەرکەوتنە، ئەزمونی دەوڵەتە سەربەخۆکانی ڕزگار بو لە داگیرکاری دەریخستووە کە ئەگەر گەلەکەیان یەک بگرن، هیچ هێزێک ناتوانێت شکستیان پێ بهێنێت.
3. گومان لە ئێران و ئیسرائیل قەدەغەیە: ئازادی لە ئێران و نە لە ئیسرائیلەوە نایەت. پێویستە لەسەر پێی خۆمان بوەستین و میللەتەکەمان لەم چارەنووسە ڕزگار بکەین.
4. بانگەوازێکی گشتی بۆ میللەتی کورد: لە ڕۆشنبیرەوە تا پێشمەرگە، لە خوێندکارەوە بۆ کاسبکارانی بازاڕ، پێویستە هەمووان بزانن یان ئەمجارە یەکدەگرین و مێژوو دروست دەکەین، یان جارێکی دیکە مێژوو دەکەنە قوربانی بەرژەوەندی حزبی خۆیان.
ئێمە ڕۆڵەی ئەم خاکە داگیرکراوە ئازا و شۆڕشگێڕەین. ئێمە میللەتێکین هەرگیز تەسلیم نەبووین، ئەمڕۆ ڕۆژهەڵاتی ناوەڕاست له سه ڕ هێڵی ئاگرەو بۆ یەکەمجاره له ماوەی چەند دەیەی ڕابردوودا ڕێگای ئازادی بەگومان و پاسیڤه تدا تێناپەڕێت، به ڵکو به کردەوەی هاوبەش و چارەنووس سازدا تێدەپەڕێت.
با نەهێڵین ئەم دەرفەتە مێژووییە بگۆڕێت بۆ شەرمەزاری مێژوویی.
یەکێتی شۆڕشگێڕانی کوردستان و ڕێکخراوی یاریکورد
مردن بۆ داگیرکەران
بژی میللەتی کورد
