٢٢ ڕیبەندان ٤٦ ساڵ داگیرکاری و ستەم

ئەمڕۆ ٢٢ ڕێبەندان، تەنیا ساڵڕۆژی ڕووخانی دەسەڵاتێک نییە، بەڵکو سەرەتای ٤٦ ساڵی تری ستەم و داگیرکارییە لە کوردستان. ئەو ڕۆژەی کە بۆ زۆر کەس بە سەرەتای "ئازادی" ناودەبرا، بەڵام بۆ میللەتی کورد، تەنها گۆڕانێک بوو لە بەرامبەر داگیرکاریدا. لە پاشای خۆسەری زۆردار، ملهوڕ، بۆ مەلای خۆسەپێن، ستەمکاران هەمیشە دەمامکیان گۆڕیوە، بەڵام سیاسەتیان وەک یەک بووە: نکۆڵیکردن لە ناسنامەی کوردایەتی، چەوساندنەوە، سەرکوتکردن، هەژاری و خوێنڕشتکارنامەی سەدان ساڵەی ئەم جوغرافیا داسەپاوەیە.
هەر لە یەکەم ڕۆژانی کۆماری ئیسلامییەوە ڕاستییەک بۆ هەموو لایەک ڕوون بووەوە کە ئەم حکومەتە نەک هەر ئازادیی نەهێنا، بەڵکو زنجیرێکی نوێی بە دەست و پێی گەلانی  چەوساوە و بە تایبەت کورد بەستەوە. هەروەک چۆن شای  بە سەرکوتکردنی ڕاپەڕینەکانی کورد و تیرۆرکردنی سەرکردەکانیان  دەسەڵات خۆیان بەسەر گەلانی کە بسەپێنن ، ڕژیمی نوێش بە بۆردومانی شارەکان و لەسێدارەدانی و بڵاوکردنەوەی هەژاری و هەڵاواردن هەمان ڕێبازی بەردەوام بوو.
لە شاوە بۆ شێخ - کوردستان هەمیشە قوربانی سەرکوت بووە
سەردەمی پەهلەوی؛ سەردەمی زەلیل و داگیرکاری فەرمی
پەهلەوییەکان کوردیان وەک نەتەوەیەک نەدەبینی، بەڵکو وەک هاووڵاتییەکی پلە دوو دەبینی. زمانی کوردی قەدەغە کرا، کولتووری کوردی سەرکوت کرا و بۆ دەیان ساڵ هەموو هەوڵەکانی حکومەت بۆ ئاسمیلەکردن و زەلیلکردنی نەتەوەیی ئێمە بوو. هەموو ئەو ساڵانە کە کورد ناڕەزایەتی دەربڕی بەرامبەر بە مافەکانی، وەڵامی حکومەت جگە لە زیندان و ئەشکەنجە و فیشەک هیچی تر نەبوو. ڕاپەڕینەکان لە دوای یەک سەرکوت کران، سەرکردە نەتەوەییەکانمان یان لە زیندان لە سێدارە دران.

کۆماری ئیسلامی؛ هەمان سیاسەت، بە چڕی زیاتر و لە ژێر پەردەی دین
لەگەڵ هاتنی کۆماری ئیسلامی هیچ شتێک بۆ کوردستان نەگۆڕا، جگە لە توندی سەرکوت. لە ڕۆژانی یەکەمەوە پیاوانی ئایینی دەسەڵاتدار بە ڕوانگەیەکی کۆلۆنیالیزمەوە سەیری کوردستانیان دەکرد. نەک هەر داواکاری میللەتی کوردیان بە کەمترین داخوازی وەک خودموختاری قبوڵ نەکرد، بەڵکو بە فەرمانی جیهاد شەڕێکی خوێناوییان لەدژی کورد دەستپێکرد. بەهۆی بۆردومان و هێرشەکانی سپای پاسداران و لەسێدارەدانی بەکۆمەڵدا هەزاران کەس گیانیان لەدەستدا. سیاسەتی سیستامتیک لە کوردستان جێبەجێ کرا؛ گوندەکان وێران بوون، کشتوکاڵ وێران و خەڵک کەوتنە هەژاری و کۆچی زۆرەملێ.
بەڵام ئەوە تەنیا سەرکوتی سەربازی نەبوو. هەڵاواردنی سیستماتیکی دژ بە کورد لە هەموو لایەنەکانی ژیاندا بەردەوام بوو:
جیاوازی ئابووری: وەبەرهێنان لە کوردستان هەمیشە لە سفر نزیک بووە. هەژاری و بێکاری بە سیستمی  دروست بوو بۆ ئەوەی کورد هەمیشە لە حاڵەتی لاوازی ئابووریدا بمێنێتەوە. نەوە نوێیەکان جگە لە مانەوە یان کۆچکردن هیچ چارەیەکی تریان نییە، لە کاتێکدا سامانی وڵاتەکەمان بۆ گەشەپێدانی مەرکەزنشینانی ئێران خەرج دەکرا.
سەرکوتی فەرهەنگی: قەدەغەکردنی زمانی کوردی، ڕێگەنەدان بە وانەوتنەوە بە زمانی دایک، سانسۆرکردنی شوناسی کورد لە میدیاکان و شێواندنی مێژووی کوردستان هەمووی بەشێکن لە پڕۆژەی ئاسمیلەکردنی کۆماری ئیسلامی.
ئیعدام و سەرکوتی سیاسی: کوردستان هەمیشە زۆرترین پشکی لەسێدارەدان لە کۆماری ئیسلامیدا هەبووە. زیندانەکانی ئەم دەسەڵاتە پڕن لە تێکۆشەری کورد و هەر بانگەوازێک بۆ ئازادی بە فیشەک یان پەت پێشوازی لێدەکرێت. هەر لە ئێعدامکردنی چالاکوانان و ژینگە پارێزان تا قەتڵوعامی خەڵکی بێ دیفاع لە شەقامەکاندا، هەمیشە خوێنی خەڵکی کوردستان لەسەر دەستی ئەم دەسەڵاتە بووە.
بەڵام کوردستان هەرگیز تەسلیمی نەبوو!
لە هەموو ئەم ساڵانەدا کورد سەلماندی کە میللەتەکەمان سەری نەبرد بۆ دەسەڵاتی پاشایەتی، نە بۆ دیکتاتۆری ئایینی. لە ڕاپەڕینی جەماوەرییەوە بۆ خەباتی چەکداری، لە ناڕەزایەتی شەقامەکانەوە تا چالاکی فەرهەنگی و میدیایی، کوردستان هەمیشە قەڵای بەرخۆدان بووە.

ئێمە تەحەمولی 46 ساڵ ستەممان نەکرد بۆ ئەوەی تەسلیمیان بین!
سەدان ساڵ شەڕمان کرد بۆ مانەوە و هەتا سەربەستیش هەر چەنگاورین! 
کۆتایی کۆماری ئیسلامی سەرەتای ئازادی کوردستان نییە.
ڕژیمی ئێران مەحکومە بە ڕووخان، بەڵام ئازادی کوردستان تەنیا بە سەربەخۆیی خۆی دەگاتە ئامانج. ئەزموونی مێژوو دەریخستووە کە سەرکوت ناتوانێت ئیرادەی نەتەوەیەک بشکێنێت. لەگەڵ کەوتنی شا، درەنگ یا زوو ئەم دەسەڵاتە لەناو دەچێت. بەڵام ئازادی ڕاستەقینەی کوردستان لە هەبوونی حکومەتێکی سەربەخۆ و مۆدێرندایە، نەک لە گۆڕینی ئەو حکومەتانەی کە کوردستان بە دیل بهێڵێتەوە.
یەکێتی شۆڕشگێڕانی کوردستان ڕێکخراوی یاری کورد  لەسەر ئەم پرەنسیپە  کە هۆکاری بنەرەتی دامەزراندنمانە کە هەمیشە باسمان لێ کردوە دەڵەینەوە بەبێ سەربەخۆیی ئازادی هیچ مانایەکی نییە، بۆ نەتەوەێک لە جوغرافیایەکی نەخوازراو.
ئێمە درێژەدان بە ڕێبازی شەهیدانمان دەدەین، و تا دوا هەناسە بۆ ئازادی کوردستان تێدەکۆشین

بژی شۆڕشی کوردستان
مەرگ بۆ داگیرکەران