ڕێکخراوی جیهانی کوردی ڕۆژی شەمممە ڕێکەوتی ٦ڕیبەندانی ٢٧٢٤ک، سێمینارێكی كەلتوری، زانستی، سیاسی تایبەت بە کرماشان و ئیلام و لوڕستان لە شاری ستۆکهۆڵمی وڵاتی سوئێد ڕێکخست.
کاک عەلی فەزڵی و کاکی ڕۆستەم ئاڵماسی لەسەر بانگهێشتی فەرمی ڕێکخراوی جیهانی کوردی بەشداریان کرد.
سیمینارێک لەگەڵ کۆمەڵێک لە مامۆستایانی زانکۆ، ئەکادیمیست، پسپۆڕان و سیاسەتمەداران لە کەشێکی زانستی و فەرهەنگیدا بەڕێوەچوو، کە تایبەت بوو بە لێکۆڵینەوە لە ڕەهەندە جۆراوجۆرەکانی مێژوو، فەرهەنگ، جیۆپۆلیتیک و پرسی گەشەسەندنی سێ ناوچەی گرنگی کرماشان، ئیلام و لۆرستان. ئەم بۆنە زانستییە بە ئامانجی دابینکردنی سەکۆیەک بۆ ئاڵوگۆڕی بیروڕا و ناساندن و گەشەپێدانی بەردەوام و بەهێزکردنی ناسنامەی کولتووری ئەو ناوچانەی ڕۆژهەڵاتی کوردستان.
ڕێکخەرانی سمینارەکە لە سەرەتای ڕێوڕەسمەکەدا، وێڕای بەخێرهاتنی بەشداربووان، بە سروودی نەتەوەیی و ساتێک بێدەنگی بۆ یادی شەهیدای ڕێگەی ئازادیی بە پیش کەش وتارەکەین: جەختیان لەوە کردەوە کە ئەم سمینارە دەرفەتێکە بۆ باشتر تێگەیشتن لە مێژوو، فەرهەنگ و پرسە گرینگەکانی هەرسێ ناوچەی کرماشان، ئیلام و لوڕستان. ڕاگەیەندرا کە پرۆگرامی سیمینارەکە لە شێوەی چوار پانێڵی تایبەتمەند بەڕێوەدەچێت کە هەریەکەیان پرسە سەرەکییەکانی ئەو ناوچانە دەگرێتەوە.
پانێڵە تایبەتمەندەکان بریتین لە:
پانێڵی یەکەم: کرماشان، ئیلام، لوڕستان؛ مێژوو و ڕۆشنبیری و ئایین:
دەورو ڕۆڵی ژن لە ناوچەکە تا شۆڕشی ژینا، سوهەیلا داودیان کلهور
ئایینی یاریکورد و کاریگەری لەسەر بزوتنەوەی کورد ، سەی مێهرداد موشەعەشی
کاریگەری ئەدەبیات لە پرۆسەی ڕزگاری نەتەوەیی لە ڕۆژهەڵاتی کوردستان.
ئەم پانێڵە بە گرنگیدان بە مێژووی ئایینی و کولتووری دەوڵەمەندی ئەو ناوچانە بەڕێوەچوو. وتاردەران باسیان لە پێگەی ژن میراتی مێژوویی و ڕێوڕەسمی کرماشان، ئیلام و لوڕستان کرد و جەختیان لە گرنگی پاراستن و گواستنەوەی ئەو میراتە بۆ نەوەکانی داهاتوو کردەوە.
پانێڵی دووەم: ژیۆپۆلەتیک و ژیۆستراتیژی ئیلام، لوڕستان و کرماشان؛ پرسی خاک:
کانزاکان لە ڕۆژهەڵاتی کوردستان، د.باقر فەرەنگیس
دێموگرافیای کرماشان،ئیلام وڵوردستان،ئێقباڵ سەفەری
ڵیدوانێکی کورت لەسەر مێژووی بزوتنەوەی لەک و لۆڕ، سیامەک شوعایی
لەم پانێڵەدا شرۆڤەی وبەدواداچوون بۆ پرسە ژیۆپۆلەتیکیەکانی ناوچەکان کرد. سەرنجی سەرەکی ئەم وتووێژانە کاریگەریی شوێنی ستراتیژی ئەم ناوچانە بوو لەسەر کارلێکەکانی ناوچەیی و نیشتمانی.
پانێلی سێیەم: لوڕستان، کرماشان، ئیلام؛ سیاسەتی کوردستانی بەرەو ژینگەی هێز،
بەرنامەی گەشەپێدانی پایەداری کوردستان،ئەردەشیر ڕەشیدی کەلهۆر سەرۆکی جڤاتی زانیستی کوردی ئەمریکی
ئەمری سیاسی و گوتاری شۆناس،نمونەی کرماشان ئەفشین غولامی
وتاردەرانی ئەم پانێڵە باسیان لە ڕۆڵی ئەم ناوچانە کرد لە سیاسەتە ناوچەییە گەورەکاندا و هەروەها چارەسەری پراکتیکی بۆ بەدەستهێنانی گەشەپێدانی بەردەوام. جەختی سەرەکی لەسەر هەماهەنگی نێوان سیاسەتەکان و پێداویستییە ناوخۆییەکان بوو.
پانێلی چوارەم: تێبینی سەرنج و ئاڵوگۆڕی بیروڕای بەشداربووان.
بەرێزان کاک عەلی فەزڵی و کاکی رۆستەم لە بەشی چوارمی لە پانێڵی سیاسی ئەم سیمینارەدا، بە جەختکردنەوە لەسەر تایبەتمەندی و گرنگی ژیۆپۆلەتیکی و ژیۆستراتیژی ئەم ناوچانە، هەروەها جەختیان لە پێویستی و هاوکاری زیاتر بۆ ڕێکخستنی ئەم جۆرە سیمنارانە کردەوە. ئاماژەیان بە دەرئەنجامە ئەرێنییەکانی ئەم سمینارە کرد، لەوانە تێگەیشتنێکی قووڵتر لە گرنگی خاکەکەمان و پتەوکردنی یەکڕیزی وهاوکاری کورد لە کرماشان، ئیلام و لوڕستان و جەختی لە بەرپرسیارێتیی گشتی و ستایشی ئەو کەسایەتیانەیان کرد کە بەشداریان کردوە هەروەها بەرێزان ئەردەشیر ڕەشیدی کەلهۆر سەرۆکی جڤاتی زانیستی کوردی ئەمریکی و ڕێکخەرەکانی ئەم سیمنارە،ئامادەیی خۆیان وبۆ هەر جۆرە هاوکاری و هاودەنگییەک لەم بوارەدا ڕاگەیاند.
هەر وەها بەپشگیری لە وتارەکانی بەرێزان کاک عەبدوڵڵا موهتەدی و وکاک ڕەزای کەعبی کردوە و ئامادەی بۆ کاری هاوبەش.
لە ئەم بەشە دەرفەتێک بوو بۆ بەشداری چالاکانەی بەشداربووان و بیستنی بۆچوون و پێشنیارەکانیان لەسەر ئەو بابەتانەی کە لە سیمینارەکەدا خرانە ڕوو. ئامادەبوونی بەرفراوانی ئەکادیمی و شارەزایان لەم کەرتەدا ئارەزووی دروستکردنی هاوکاری بۆ دۆزینەوەی چارەسەری پراکتیکی نیشان دا.
سمیناری لێکۆڵینەوە لە پرسەکانی کرماشان، ئیلام و لوڕستان، خاڵی وەرچەرخان بوو لە هەوڵە زانستی و فەرهەنگییەکان بۆ باشتر تێگەیشتن لەو ناوچانە. ئەم بۆنەیە بە دروستکردنی بارودۆخێک بۆ ئاڵوگۆڕی بیرۆکە و خستنەڕووی چارەسەر، هیوای بۆ ئایندەیەکی گەشاوەتر و گەشەسەندنی بەردەوام لەم بوارانەدا دروستکرد.
لە پەراوێزی سیمنارەکە هەر دوو بەرێزان کاک عەلی و کاکی ڕۆستەم لەگەڵ چەند کەسایەتی و لێکۆڵەری کورد ونوێنەری حیزب و ڕێکخراوە بەشدرابوان دیدار و گفتگۆیان کرد
