کۆڵبەری و قاچاخچێتی لە سنوورەکان دەتوانێت کاریگەری نەرێنی دوور مەودای لەسەر کۆمەڵگە و حکومەت دەبێت، لەوانە:
ئاسایشی سنوورەکان:
قاچاخچێتی سنوورەکان دەتوانێت هەڕەشەی جدی بێت لە ئاسایشی سەر سنوور. بەهۆکاری ئەوەی کەسانی چەکدار یان گرووپە تاوانبارەکان دەتوانن ئەم دۆخە بقۆزنەوە و فشاری جددی لەسەر پاسەوانانی سنوور و هێزە ئەمنییەکان دروست بکەن. تەنانەت کردەوە تاوانکارییەکان مامەڵە بە ماددە هۆشبەرەکان و تیرۆری شارۆمەندان لە خۆدەگڕێت. هەروەها ڕەنگە کۆلبەریی ڕێگە بە کەسانی نایاسایی و تەنانەت گروپە تیرۆریستییەکانیش بدات کە لە شێوازی ئەماندا بچنە ناو قووڵایی وڵاتانی دراوسێ.
هەر بۆیەش دەتوانین بڵەین کە ئەمە دەرئەنجامێک دەبێت بۆ گەشەسەندنی کاروباری مەترسیدار لە ڕووی ئاسایش و ئابوورییەوە.
لاوازبوونی یاسا و ڕێسا: بازرگانی قاچاخ دەتوانێت ببێتە هۆی لاوازبوونی یاسا و ڕێسا لە هەرێم، چونکە ئەو کەسانەی بەشداری ئەو جۆرە چالاکییانە دەکەن دوور لە یاسا و ڕێساکان دەجووڵێنەوە و خۆیان لە یاساو هەموو کاروباری مەشروعی حکۆمەت قوتاردەکەن.
پیشە و ئابووری: کۆڵبەری توانیویەتی وەک دەرفەتێک بۆ بەدەستهێنانی داهات بۆ خەڵکی ناوچە سنوورییەکان سەیر بکرێت. بەڵام بەداخەوە لە ڕۆژهەڵات وەک پیشەی سەرەکی چاو لێ دەکرێت، و تا ئەو ئاستەی کە بە هۆی داهاتێکی باشەوە، زۆر کەس دەست لە کارئاسایی خۆیان و خوێندن هەڵدەگرن. مخابن، تەنانەت کەسانی خاوەن بروانامە دەست دەدەنە ئەم جۆرەیە پیشە نایاسایە کە پارەسەنگی ئابووری و کۆمەڵایەتی لێک بەر دەدات، چونکە هەندێک کەس سوودمەندن لەم چالاکییانە لە کاتێکدا هەندێکی تر زەرەرمەند دەبن.
بە هۆی زیادبوونی داهاتی قاچاخەوە، زۆر کەس هەوڵدەدەن کە کار و پیشە یان خود خوێندن بەجێبهێڵن، کە ئەمەش لە خۆیدا مەترسیەکی زۆر و دەرئەنجامی جددی لەگەڵ دەبێت بۆ ناوچەکە.
بە هۆی کاری قاچاخەوە زنجیرەیەک بازرگانی بە مادە هۆشبەرەکانەوە لە پەرەسەن دایە کە برتین لە:
_ پەیوەندی ڕاستەوخۆ لەگەڵ وڵاتانی بەرهەمهێنەر: زۆرجار وڵاتانی دراوسێن کە ماددە هۆشبەرەکان بەرهەم دەهێنن. کە ئێران یەکێکەلەو وڵاتانی کە بەرهەمی ماددەی هۆشبەری وڵاتانی دراوسێ لە ڕێگەی مافیای سوپای پاسدارانەوە دە دەگوازێتەوە بۆ وڵاتانی ڕۆژئاوایی.
بۆ ڕووبەڕووبوونەوەی قاچاخی مادە هۆشبەرەکان، چەند ڕێکار و چارەسەرێک پێویستە:
_ زیادکردنی چاودێری و کۆنترۆڵکردن: بەهێزکردنی هێزەکانی پۆلیس و گومرگی سنوور و هاوکات دەزگا پەیوەندیدارەکانی دیکە، لە ناوچە سنوورییەکان پێویستە بۆ کەمکردنەوەی چالاکی قاچاخ.
_ پەروەردە و خۆپاراستن: زیادکردنی هۆشیاری گشتی و پەروەردەی خۆپاراستن سەبارەت بە هۆشداریی ماددە هۆشبەرەکان و دەرئەنجامە یاساییەکانی، دەتوانێت ڕێگربێت لە هەڵبژاردەی خەڵک سەبارەت بەم چالاکییانە.
لە کۆتایی دا هیوادارین لە ڕێگەی هوشیاری نەتەوەیی و بەرزکردنەوەی ئاستی ڕوشنبیری خەڵک کار و پیشەی ئەمڕۆیی و سەردەمیانە ببنە لەمپەرێک بۆ هەلبژاردەیەک بە ناوی کۆڵبەری و قاچاخچیەتی.
