ئەحسەن شێخ جەمال شێخ عوسمان نەقشبەندی کەسایەتیی دیاری بنەماڵەی شێخانی تەریقەتی نەقشەبەندی داوا دەکات: ڕۆژی ١٤ی مانگ دەندەران لە سەر سندوقەکانی دەنگداندا خیانەت و خراپەکارییەکانی رژیمی ئەردۆغانیان لە یاد بێت و کۆتایی بەڕژێمەکەی بهێنن.
ئەحسەن شێخ جەمال شێخ عوسمان نەقشبەندی کەسایەتیی دیاری بنەماڵەی شێخانی تەریقەتی نەقشەبەندی سەبارەت بە هەڵبژاردنەکانی سەرۆکایەتیی کۆمار و پارلەمانی تورکیا پەیامێکی ئاڕاستەی هاوڵاتیان و پەیڕەوانی ڕەچەی نەقشبەندی لە باکوری کوردستان و تورکیا کرد.
نەقشبەندی لە پەیامەکەیدا داوای لە دەنگدەران کردوە: ڕۆژی ١٤ی ئەم مانگە لە کاتی چوونە سەر سندوقەکانی دەنگداندا، خەیانەت و خراپەکارییەکانی رژیمی ئەردۆغان وەیادبێننەوە و کۆتایی بەو ڕژێمە بهێنن.
ئەحسەن شێخ جەمال شێخ عوسمان نەقشبەندی دەشڵێت: هەر رێزمەندێکی کورد و تورکی موسڵمان و مرۆڤدۆستی ئازادیخواز کە لە تورکیا خۆی بە شوێنکەوتوی ڕچە و رێبازی عیرفان و تەسەوفی حەزرەتی مەولانا خالیدی نەقشبەندی پێناسە دەکات و لەم هەڵبژارنەدا ئەرکی ئیسلامی خۆی کە سلم و ئاشتی و دادپەروەری و پاراستنی کەرامەتی مرۆڤ و دیاری کردنی چارەنووسە و خۆپاراستن لە بدعە و تەکفیر و پاڵپشتی لە حاکمانی داگیرکاری خوێنڕێژ، خۆی دانەبڕیت کە رژیمی ئیخوان داعشی ئەردۆغانە.
دەقی پەیامەکەی ئەحسەن شێخ جەمال شێخ عوسمان نەقشبەندی
بە ناوی خالقی بێ هاوتا
گەلی شەرەفمەندی باکوری کوردستان و بەرەی ئۆپۆزسیۆن چاوەڕوانی مژدەبەخشی ئاوەژۆکردنی مێژووییتانین. بێگۆمان هەر رێزمەندێکی کورد و تورکی موسڵمان و مرۆڤدۆستی ئازادیخواز
لە تورکیا کە خۆی بە شوێنکەوتوی ڕچە و رێبازی عیرفان و تەسەوفی حەزرەتی مەولانا خالیدی نەقشبەندی پێناسە دەکات و لەم هەڵبژارنەدا ئەرکی ئیسلامی خۆی کە سلم و ئاشتی و دادپەروەری وپاراستنی کەرامەتی مرۆڤ و دیاری کردنی چارەنووسە،
و خۆپاراستن لە بدعە و تەکفیر و پاڵپشتی لە حاکمانی داگیرکاری خوێنڕێژ، خۆی دانەبڕیت کە رژیمی ئیخوان داعشی ئەردۆغانە،
باوەڕمەندی ئیسلامی و پەیڕەوی لە شەریعەتی غرای محەمەدی، درودی خۆدای لەسەر، و تەریقەت و حەقێقەتی عیرفان و تەسەوفی حەزرەتی مەولانا خالیدی نەقشبەندی و ئەرکی مرۆیی و ویژدانی خۆی
لە نێوان حەق و باتیل و جوێ کردنەوەی زاڵەم لە مەزڵوم دەخاتە ژێرپرسیاری گەل و مێژوو،
هەربۆیە پێویستە رۆژی 14/3/2023 پێش دەنگدان لە ویژدانی حەقپەرەستی خۆتان بپرسن بۆ چ مەبەستگەلێ دەنگ ئەدەم ?
کێی شایستە و شیاوی دەگی متمانەیە ?
پاشان تابلۆی خەیانەت و خراپەکاریەکانی رژیمی ئەردۆغان وەیادبێننەوە هەم لە ئاستی نێوخۆیی و هەم نێودەوڵەتی !
پاشان بە ئێرادەی پۆڵایی روو لە سەندوقەکانی
دەنگدان بکەن بۆ کۆتاییهێنان بەم رژیمە دیکتاتورە کە نە نومایانگەری ئیسلامی راستەقینەیە و نە واتای ئازادی و نە دەستەبەرکردنی ئاسایش و ئەمنییەت و دادپەروەری لە کۆمەڵگەدا ، کە کرۆکی ئایینی پیرۆزی ئیسلامە ،
ئەوەی لەماوەی بیست ساڵ فەرمانڕەوایی ئەردۆغان دا بینراو و هەست پێکراوە
هەر شەڕ و داگیرکاری و بەکوشتدانی رۆڵەی هەژاروفەقیر بووە،
و تەحریف و ئاوەژۆکردنی
ئایینی پیرۆزی ئیسلام لەسەر خۆاستی شەخسی بۆ پەرەپێدانی بیرۆکەی ئیخوان داعشی.
دەگەڵ سڵاو و رێزی بێ پایان و هیوای سەرکەوتن
براتان ئەحسەن جەمال شێخ عثمان سراجەدین نەقشبەندی.
وڵاتی/ سوید
12/5/2023
