کچە کورد براوەی خەڵاتی جامی تەڵای یاری لە میکس کیک بۆکسێن
سڵاو و ڕیز خاتو مریم دەکری زیاتر خۆت بناسێنی?
مریەم شەریفیم بە نازناوی سەحەر، خەڵکی شاری بوکان لە پارێزگای ورمی.
چەند ساڵە وەرزش دەکەیت?
م.ش: لە تەمەنی ١٥ ساڵییەوە دەستم بە وەرزش کردووە، یەکەم وەرزش کاراتی ستایلی شۆتۆکان بوو، بەڵام بە شێوەیەکی پیشەیی نەبوو، هەروەها لە وەرزشەکانی وەک لەشجوانیدا، ئایرۆبیکدا چالاک بووم . زیاتر حەزم لە یاری هونەری جەنگییە و لەگەڵ براکم کارم دەکرد کە ئیلهامبەخشی و پشتوانی تەواوم بوو برا بچووکەکەم ئومێد شەریفی بوو کە لە بۆکسێندا چالاک بوو و بەداخەوە کۆچی دوایی کردوە.
ئێستا چالاکیت لە کام بواری وەرزشیە?
م.ش: لە ئێستادا سەرقاڵی کیک بۆکسینگم، بەڵام هەفتەی چەند دانیشتنێکی لەشجوانی ئەنجام دەدەم کە پەیوەندییان بە وەرزشەکەمەوە هەیە، لە ڕۆژهەڵاتی کوردستان ئەندامی یانەی سێتارێ غەرب بووم لە شاری بوکان، ئێستاش لە ڤییەنای پایتەختی ئۆتریش ئەندامم لە تیپی میکس کیک بۆکسێن.
چەندی کات بۆ وەرزشەکەت دادانەیت?
م.ش: ١کاتژمێر ڕاهێنان دەکەم، بەڵام ٢ مانگ پێش پێشبڕکێکە زۆربەی کاتەکان لە هۆڵی وەرزش ڕاهێنانم دەکرد، حەزم لێیە زیاتر تەمرینەکانم بە شێوەی روودەروو لەگەڵ هاوتایەکی خۆم بێت و دەست بە دەست بم تا ئازمونی باشم بێتو بەشداری پێشبڕکێکان بکەم چونکە کاتێک ڕاهێنان دەکەم باری دەروونیم زۆر دەگۆڕێت و وزەیەکی ئەرێنی زۆر وەردەگرم.
سەرجاوی ئەم یاری ە جوون و بۆ هەڵت بژاردوە?
م.ش:یەکێک لە تایبەتمەندییەکانی یاری میکس کیک بۆکسینگ بریتییە لە تێکەڵکردنی چەندین ستایلێکی وەرزشی لەم دیسیپلینەدا، لە ئەم شێوازە یاریە دەتوانیت کاتاش بکەیت ، چونکە بەبێ ئامانج و پلان دانان ناتوانیت ئەنجام بەدەست بهێنیت.
بۆ داهاتتوو چە پلانێک هەیە?
م.ش:ئامانجم بۆ داهاتوووەک ئامانجی سەرەکیم لە ژیاندا ئەوەیە کە سەرکەوتوو بم لەم شێوازە و بتوانم فێرگەم هەبێت و ئەم شێوازە فراوانتر بکەم، سەرەتا بچمە پێشبڕکێکانی ئەوروپا و... پاشان پێشبڕکێکانی جیهان و بۆ ئەوەی بتوانم بە پشتوانی ودوعای خێری دایک و باوکم و لە پشت کارەکەمەوە سەرکەوتوو بم و دیسانەوە چەندین جار و چەندین جار.
چێت هەیە بۆ گەنجانی و کچانی کوردستان?
م.ش: ئامۆژگاریم بۆ گەنجان بەتایبەت کچان ئەوەیە کە بەشداری بکەن لە هەر وەرزشێکدا کە ئاواتیانە و بەردەوامی پێدەدەن تا دەگەنە ئەنجامێک. وە هیوادارم هەموو گەنجان و بەتایبەت گەنجانی نەتەوەکەم سەربەرز و سەرکەوتوو بن.
و ئەم جامە زێڕینە پێشکەش بە هەموو شەهیدانی گەلەکەم دەکەم بەتایبەت شەهیدانی ڕاپەرینی ژن ژیان ئازادی کە لە ڕێگای سەربەستی و ڕزگاری نەتەوەکەیان خوێن و گیانیان پێشکەش بە ئەم خاکە کرد لە پێناوی بەختەوەری نەوەی داهاتوو.
سپاس و رێز خاتوو مریم هیوای سەرکەوتن.
سپاس بۆ ئێوەش
