ئەو بوومەلەرزە وێرانکەرەی سەرەتای ئەم مانگە تورکیای هەژاندچارەنووسی سیاسی ئەردۆغانیش دیاری دەکات
ڕاپۆرتێکی بەریتانی: بوومەلەرزەکەی تورکیا لێکەوتەی سیاسی درێژخایەنی دەبێت و ئایندەی سیاسی ڕەجەب تەیب ئەردۆغان، سەرۆککۆماری تورکیا دیاری دەکات.
گوتیشی: "بومەلەرزەکە شکستی گەورەی حکومەتی تورکیای ئاشکرا کرد و وایکرد خەڵک لاین پرسیار بێت حکومەت لە کوێیە، لە ژێر داروپەردووی دارووخاو بەسەریاندا بە بێ هیوان لە چاوەروانیەی لە حکومەتیان دەکرد، لە کاتێکدا ژێرخانی ئەو وڵاتە کە سەردەمانێک شانازی حکومەتەکەی ئەردۆغان بوو، ئێستا لە وێرانەدایە.
هەروەک باسی کردوە:"شۆکی ئەو بومەلەرزەیەی کە باکوری کوردستان و چند پارێزگای تورکیای گرتەوە زۆر گەورەیە و هەروەها بەهۆی بەهاناوەنەهاتنی دەوڵەت لەکاتی پێویست‌و گەیاندنی هاوکارییەکان ئەو شۆکەی زیاترکرد، لە ساڵی 1999 بومەلەرزەیەک ئیستانبوڵی گرتەوە، هاواری بێ‌هیوای ئەوانەی کەوتبونە ژێر ماڵ و باڵاخانە ڕووخاوەکان، گەلانی تورکیای هەژاندو بۆ هەمیشە سیاسەتی نیشتمانیی تورکیای لەدوای خۆی گۆڕی.
لە ڕاپۆرتەکەدا هاتووە "ئەردۆغان وتوویەتی ئەگەر پێویست بکات وەڵامی درۆ و چەواشەکارییەکانی حکومەتەکەی دەداتەوە، بەڵام ڕۆژی دواتر دەستیکرد بە ڕێگریکردن لە تۆڕە کۆمەڵایەتییەکان کە لەلایەن ڕێکخراوەکانی کۆمەڵگەی مەدەنییەوە بۆ ڕزگارکردنی ژیانی خەڵک لە ڕێگەی سایتەکانی گەڕان و فریاکەوتنەوە بەکاردەهێنران". وە ئەوەش توڕەیی لێکەوتەوە لە ناوخۆی تورکیادا.
لە ڕاپۆرتەکەدا ئاماژە بەوەشکراوە، بوومەلەرزەکە دۆخێکی سەختی بۆ ئەردۆغان دروستکردووە، دەبێتە هۆی ئەوەی بارودۆخی سەخت و لەدەستدانی کورسیەکەی.
ئەو وای زانی سەرکەوتنی ئەردۆغان بە ڕێگەی ئاسایی زۆر کەم دەبێت، بۆیە ئەگەر پەنا بۆ دواخستنی هەڵبژاردنەکە بۆ کاتێکی نادیار نەبات، هیچ بژاردەیەکی تری نابێت جگە لە گرتنەبەری سیاسەتێکی توند لە دژی نەیارەکانی بۆ ئەوەی فشار بخاتە سەر ئۆپۆزسیۆن.
ئایدن سیزار، شرۆڤەکاری سیاسی تورکیا بە گۆڤارێکی ئینگلیسی ڕایگەیاند، پارتی داد و گەشەپێدانی ئەردۆغان ڕووبەڕووی دۆخێکی سەخت بووەتەوە و ناتوانێت خۆی لە پشت گەورەیی بوومەلەرزەکەوە خۆی بشارێتەوە و پارە دابەش بکات بۆ ئەوەی وەک ڕابردوو خەڵک قەناعەت پێبکات.
ئاماژەی بەوەشکرد، هەڵبژاردنەکە دەکرێت ببێتە بابەتی مانەوە بۆ پارتەکەی ئەردۆغان و دەتوانێت پاڵ بەوەوە بنێت بۆ ئەوەی دۆخێکی مەترسیدار لە سوریا دروستبکات کە ڕەنگە شەڕی لێبکەوێتەوە.
ئابوری تورکیا کە بەدەست بەرزبوونەوەی هەڵاوسان و بەرزبوونەوەی نرخ و دابەزینی ئاستی ژیانەوە دەناڵێنێت، بەهۆی ئەم بوومەلەرزەوە سەد ملیار دۆلار زیانی پێگەیشت، کە 8.7%ی هەناردەی وڵاتەکەی بە بەهای 19.76 ملیار دۆلار پێکدەهێنێت و جگە لەوەی مەترسیی هەیە ئاستی بەرهەمهێنان‌و هەناردەش داببەزێت‌و شەپۆلێکی نوێی کۆچیشی لەناوچەکەدا لێبکەوێتەوە.
