پۆلیسی بەریتانیا هەوڵەکانی خۆی لەسەر بەرەنگاربوونەوەی ئەو کردەوانەی ئێران، ڕووسیا و چین چڕکردووەتەوە کە هەڕەشە لە دانیشتوانی بەریتانیا دەکەن
پۆلیسی بەرەنگاربوونەوەی تیرۆری بەریتانیا هەوڵەکانی خۆی لەسەر بەرەنگاربوونەوەی ئەو کردەوانەی ئێران، ڕووسیا و چین چڕکردووەتەوە کە هەڕەشە لە هاووڵاتییان و دانیشتوانی بەریتانیا دەکەن.
سەرۆکی پۆلیسی دژە تیرۆری بەریتانیا ڕۆژی پێنجشەممە ڕایگەیاند: لە چەند مانگی ڕابردوودا کۆماری ئیسلامی لانیکەم ١٥ جار هاووڵاتییانی بەریتانی یان ئێرانی دانیشتووی بەریتانیای ڕفاندووە یان تەنانەت کوشتوویانە.
بەگوێرەی جۆکس، پۆلیسی دژە تیرۆری لەندەن ساڵی ڕابردوو هەشت پیلانی تیرۆری قۆناغی درەنگیان پووچەڵکردەوە و لە هەندێک حاڵەتدا تەنانەت منداڵانی خوار تەمەنی یاسایی لەلایەن پۆلیسەوە لێکۆڵینەوەیان لەگەڵدا کرا.
پێشتر کێن مەککالوم، بەرپرسی هەواڵگری بەریتانیا ڕایگەیاندبوو کە دەزگا هەواڵگرییەکانی ئێران لانیکەم لە ١٠ حاڵەتدا هاووڵاتییان یان دانیشتووانی ئەم وڵاتەیان ڕفاندووە یان تەنانەت کوشتوویانە.
پۆلیسی شارە گەورەکانی لەندەن دوو ڕۆژ لەمەوبەر ڕایگەیاند کە دادگاییکردنی محەممەد حسێن دوتایڤ، هاووڵاتییەکی تەمەن ٣٠ ساڵانی ئۆتریشی بە تۆمەتی "هەوڵدان بۆ ئەنجامدانی تاوانی پەیوەندیدار بە ئۆپەراسیۆنی تیرۆریستی دژی بینای ئێران ئەنترناشناڵ" لە دادگای وێستمینستەر دەستیپێکردووە .
ئەو ئۆتریشیە ڕۆژی شەممە لەلایەن پۆلیسی دژەتیرۆری بەریتانیاوە دەستگیرکرا.
پۆلیسی میترۆپۆلیتانی لەندەن تا ئێستا وردەکارییەکانی چۆنیەتی دەستگیرکردنی بڵاونەکردووەتەوە، بەڵام ئێران ئینتەرناشناڵ بڵاویکردەوە کە لە دادگا لە ڕێگەی وەرگێڕێکی ڕووسییەوە قسەی کردووە.
لە ماوەی چل و چوار ساڵی ڕابردوودا کۆماری ئیسلامی لە دەرەوەی ئێران بەردەوام بووە لە تیرۆرکردنی نەیارانی خۆی. بەڵام لەگەڵ دەستپێکردنی ناڕەزایەتی سەرتاسەری لە کاردانەوە بە توندوتیژی دژی ژنان و کوشتنی ژینا ئەمینی لەلایەن حکومەتەوە لە گەشتی ئیرشاد ، جیهانی ڕۆژئاوا زیاتر هەستیار بووە بەرامبەر بە هەڵسووکەوتی ئێران لە دەرەوە و دەرەوەی وڵات.
