سەرۆکوەزیرانی کەنەدا: ئێمە هاوکارین بۆ دادگایی کردنی دزەکاران و یارمەتیدەرەکانی کۆماری ئیسلامی
ئێرانییەکانی دانیشتووی کەنەدا، حکوومەت بەوە تۆمەتبار دەکەن کە کارێکی پێویست بۆ بەرەنگاربوونەوەی کاریگەریی بریکارەکانی کۆماری ئیسلامی نەکردووە.
لە بەیاننامەیەکدا، جەستن ترودۆ، سەرۆکوەزیرانی کەنەدا ڕایگەیاند بەمەبەستی دادگاییکردنی کەسانی سەر بە کۆماری ئیسلامی ئێران لەگەڵ "هاوبەشە ئەمریکییەکان و ئێرانیانی دانیشتوی وڵاتەکەی هاوکاری دەکات.
بە پێی ڕاپۆرتی "سی بی سی"، ڕۆژی چوارشەممە ٢٥ی ڕێبەندان ، ترودۆ ئەم لێدوانانەی لە وەڵامی ڕاپۆرتی ئەم ئاژانسە هەواڵییە دا سەبارەت بە سێ بازرگان کە لە کەنەدا چالاکن و لە ئەمریکا ڕووبەڕووی تۆمەتی تاوانکاری دەبنەوە بەهۆی دەربازبوون لە گەمارۆکانی سەر ئێران.
تۆمەتبارکردنێکی دادگای ئەمریکا لە مانگی پۆشەپەری ٢٠ ٢١دا سەلیم هەنارە، خەلیل هەنارە و سەعید تەرەب عەبتاحی تۆمەتبار کرا بە هەوڵدان بۆ خۆدزینەوە لە سزاکانی ئەمریکا بە شاردنەوەی زیاتر لە ٧٥٠ ملیۆن دۆلار لە مامەڵەکردن لەگەڵ تاران وەک بەشێک لە پیلانێک کە لانیکەم حەوت کەسی دیکەی لەخۆگرتبوو.
بەڵام ئەو کەسانەی ناویان هاتووە، ئەو تۆمەتانەی لە تۆمەتی ئەمریکادا هاتووە بە "بێ بنەما" ناودەبەن، و لە پلاتفۆرمە ئۆنلاینەکاندا خۆیان وەک "شارەزای بواری خانووبەرە" لە تۆرۆنتۆ ڕیکلام دەکەن.
بە پێی ڕاپۆرتی کەناڵی سی بی ئێس، ئێرانیە دانیشتوەکانی کەنەدا حکوومەتی ئەو وڵاتە بەوە تۆمەتبار دەکەن کە کارێکی ئەوتۆی بۆ مامەڵەکردن لەگەڵ نفوزی بریکارەکانی کۆماری ئیسلامی و شاردنەوەی مامەڵە نایاساییەکانیان نەکردووە.
سه ڕۆک وه زیرانی که نه دا ڕۆژی چوارشه‌‌‌ممه له وتاره ڕۆژنامه وانییه که یدا به ئاماژه به ئه و سزیانه ی که له سه ڕەتای ڕاپه ڕینی دژه حکومه تی گه لی ئێران به سه ڕ تاک و دامه زراوه کانی کۆماری ئیسلامی‌دا، به ڕگری له کرده وه کانی حکومه تی کەنەدا کرد.
بە گوتەی ترودۆ: "سەرکردەکانی ئێران و سوپای پاسداران بۆ هەمیشە ڕێگرییان لێکراوە بۆ چوونە ناو کەنەدا یان دۆزینەوەی پەناگەیەکی ئارام لێرە". دیارە پێویستە دڵنیا بین لەوەی کە ئەمە بە دروستی ئەنجام دەدرێت. بۆیە هەوڵدەدەین سەرچاوەی پێویست بۆ ئەم کارە تەرخان بکەین”.
بەگوێرەی ڕاپۆرتی سی بی ئێس، حکومەتی کەنەدا لە مانگی خەزەلوەری ٢٠ ٢٢ ڕایگەیاند کە ٧٦ ملیۆن دۆلار بۆ یارمەتیدانی جێبەجێکردنی سزاکانی سەر ئێران خەرج دەکات. بەشێک لەو پارانە بۆ دامەزراندنی ٣٠ ئەفسەری پۆلیسی دیکە تەرخانکرابوو، بەڵام بەرپرسانی پۆلیس دەڵێن هێشتا لەگەڵ وەزارەتی دارایی لە حەولداین بۆ وەرگرتنی بودجە.
