بەیاننامەی یەکێتی شۆڕشگێڕانی کوردستان و ڕێکخراوی یاریکورد بە بۆنەی ٤٤هەمین ساڵوەگەڕی بەلاڕێدا بردنی شۆڕشی گەلانی بندەست و ستەملێکراوی ئێران
٤٤ ساڵ لەمەوبەر لە پاش ململانەیکی بێوچان و شۆڕشێکی دورو درێژ لە لایان نەتەوە بندەستەکانی جۆگڕافیای سیاسی ئیران و قۆربانیدانێکی بێ ئەژمار لە پێناو دەستەبەر کردن و کۆتایی هێنان بە سیاسەتی دژە دیموکراسی، ستەم، ئەشکەنجە و ئیعدام و کێشە ئابوورییەکانی سەردەمی محەممەد ڕەزاشای پەهلەوی ، کێشە نەتەوەیەکان و شۆڕشی ڕزگاری خوازانەی نەتەوەی کە دەکرێت ئاماژە بە شۆرشگێڕانی وەک سەردار "سمکۆ شکاک" و "قەدەم خێری لۆڕستانی " "مەلا ئاوارەو، ملا ئەحمەد شەڵماشی" "سولەیمانی موعینی" و دۆست محمد خان بلوچستانی و "سەتار خان و باقر خانی" ئازەری و میرزا "کوچەک خانی" مازەندەرانی و تا دەگاتە " قازی موحەممەد" و "پیشەوەری" و دەیان سەرکردەی دیکەی " کورد و ئازەری و تۆرکمان و عەرەب و بەلوچ و فارس " لە دژی رەزا خان و حەمەرەزای کۆڕی ، بەلام مخابن لە پاش ڕوخانی سیستمی سەرکۆتکەری پاشایەتی بنەماڵەی " پەهلەوی " ، شۆڕش و ئاکامەکەی لە پیلانێکی نێودەوڵەتیدا بە لاڕێدا بردراو لە لایان گروپێکی پان ئێرانیستی مەزهەبگەرا لە ژیر ناوی کۆماری ئیسلامی ئێران ، ڕەنجی خوێن و ئارەقەی دەیان ساڵەی خەباتی و تێکۆشانی گەلانی مافخواز دزرا، وەک دەسەڵاتی پاشایەتی، سەرکوتکەر و دژە دیموکراسی توتالیتار، درێژەی بە ئیعدام جیهادی بەناوی ئایین و تاڵانی سەرخان و ژێرخانی نیشتمانەکامنیان کردوە
تاکو ئێستاش کە ٤٤ ساڵ بەسەر ئەو گۆڕنکاریە تێدەپەڕێت، گەلانی بندەستەی ڕێژیمی دیکتاتۆر و داگیرکەری کۆماری ئیسلامی ئێران بە گشتی و گەلی کوردی ڕۆژهەڵات بە تایبەتی بەردەوامن لە ململانێی قوربانی دان بۆ دەستەبەر کردنی مافی دیاریکردنی چارەنوس کە شۆڕشی ژن ژیان ئازادی لە ئێستادا ڕژیمی ئێران لە حەولی سەرکوت و بەلارێدا بردنیەتی.
زیاد لە چوار مانگە شۆڕشی ژن ژیان ئازادی لە شاری سەقز و وەک همیشە کوردستان مەکۆی شۆڕش دژ بە داگیرکەران سەری هەڵداو تەواوی جوغرافیای سیاسی ئێرانی و جهانی گرتەوەو و بەردەوامە.
ڕێکخراوی یاری کورد و یەکێتی شۆڕشگێڕانی کوردستان لە ٤٤مین ساڵوەگەڕی بە لاڕێدابردنی شۆڕشی گەلانی بندەستەی ئێران و بە سەرنجدان بە هەلومەرجی ئێستای شۆڕشی ژن ژیان ئازادی و جیهان و ڕۆژهەڵاتی ناوەراست، لە چەند خاڵێکدا ڕای خۆی دەخاتە بەر ڕای گشتی
ئەزمونی تاڵی دزینی ڕەنجی گەلانی مافخۆازی و دەسەڵات و حاکمیەتی ٤٤ساڵی کۆماری ئیسلامی ئێران ئەوەمان پێدەڵێت کە جۆگڕافیای سیاسی ئێران و دەسەڵاتە یەک لە دوای یەکەکانی پان ئێرانیستەکان لە ژێر هەر ناوێک دا ، جێی متمانە و پێکەوە ژیان نییەو بۆ دەستەبەر کردنی مافی دیاریکردنی چارەنوس تەنیا ڕێگا " هەڵتەکاندنی ئەو جۆگرافیای ئێستایە" و نەتەوەکانی کورد و بەلوچ و عەرەب و ئازەری لە سەر خاکی خۆیان زۆرینەن و تەنیا بە دامەزراندنی دەولەتی نەتەوە خۆیان دەتوانن پارێزگاری لە شۆناسی نەتەوەی خۆیان بکەن.
بەسەرنجدان بە ڕەوڕەوەی چارەنوسی دیکتاتۆڕانی ڕۆژهەلاتی ناوەراست و هەڵوێستی نۆێی دەولەتان ئوروپایی وو زلهێزان بەرانبەر بە کرداری ڕێژیمی ئێران و لەبەرچاو گرتنی ئەگەری هەر گۆرانکارییە لە ئێران و ناوچەکە ،دەبێت ئۆپۆزسیۆنی پێکهاتو لە نەتەوە بندەستەکان و حێزبەکانی خۆازیاری مافی دیاری کردنی چارەنوس بێ دواکەوتن لە خەمی بەرەیەکی دێمۆکراتیک دابن بۆ قۆستنەوەی هەلەکان و پێشگرتن لە دووبارە بونەوەی پیلانی نێودەولەتی و سازانەکانی پشتی پەردەی نەیارانی مافی رەوای چارەنوسی سیاسی هەرکام لە گەلانی بندەست.
هەر لەو پێوەندیەدا . داواکارین کەحێزب و لایەنە سیاسیەکانی ڕۆژهەلاتی کوردستان بە بێ هێنانەوەی هەر چەشنە بڕوبیانویک لە هەوڵی کۆبونەوەیەکی بەرفراوانی پێکهاتو لە سەرجەم لایەنەکان و کەسایەتیە نیشتمان پەروەرەکاندا بین بۆ پێک هێنانی بەرەیەکی رۆژهەلاتی
بۆ پێشخستنی ئەم شۆڕشە حیزب و ڕێکخراوە سیاسی و کۆمەڵایەتی و مەدەنییەکان و کەسایەتییە دیار و کاریگەرەکان ڕۆژهەڵاتی کوردستان پێویستە هەوڵبدن بۆ هاوکاری کە یەکێتیمان بگاتە ئاستی هەڵوێستی و لێدوانی هاوبەش بۆ ئەوەی هێزەکان دابەش نەبن و هەموو هێزەکانی کۆمەڵگا دەست بە دەست دژی مافە زەوتکراوە نەتەوەیەکانمان کاربکەن. بەتایبەتی لە بواری بەرانگار بونەوەی بۆ بەلارێدانەبردنی شۆڕش لە لایەن چە ڕژیمی ئێران و چە ئۆپۆزسیۆنی فاشیستی پان ئێرانی کە لە پێناوی مەرکەزگرای و گرتنە دەستی دەسەڵات مافی نەتەوەیی نەتەوە بندەستەکان بە ڕەوا نابینن.
تیکۆشانی ڕاستەقینە بۆ دەستەبەرکردنی مافی نەتەوە ژێردەستەکان بەپێی گوتارێکی ڕاشکاوانەØ› واتە ڕووبەڕووبوونەوەی لەگەڵ هەموو جۆرەکانی شۆڤێنیزم، فاشیزم و پان‌ئێرانیزمدا.
بژی هەر چەشنە دەستپێشخەریەک بۆ هەڵهێنانەوەی هەنگاوی بەکردەوە بۆ پێکهێنانی بەرەی کوردستانی.
یەکێتی شۆڕشگێڕانی کوردستان و ڕێکخراوی یاری کورد
٢٢ی رێبەندانی ٢٧٢٣ی کوردی
١٠ ی فێورییەی ٢٠ ٢٣ی زاینی
