مەولەوی عەبدولحەمید: ناڕەزایەتییەکان نیشاندەری بێ هیوای کۆمەڵگایە بۆ بەدیهێنانی چاکسازییەکان
مەولەوی عەبدولحەمید ئیسماعیلزاهی، ئیمامی هەینی مزگەوتی مەکی زاهیدان، لە وتاری نوێژی هێنی بە ئاماژە بە ناڕەزایی "بەربڵاو"ی کۆمەڵگای ئێران لە ئەدای دەسەڵاتدارانی کۆماری ئیسلامی، وتی: ئامادەبوونی خەڵک لە شەقامەکان و ناڕەزایەتییە سەرتاسەرییەکانی نیشان دەدات نەبوونی هیوایان بۆ بەدیهێنانی چاکسازییەکان لە کۆماری ئیسلامیدا.
مەولەوی عەبدولحەمید، هەینی ٢١ی ڕیبەندان و ڕۆژێک پێش ٤٤ ساڵەی شۆڕشی ١٣٥٧، لە وتاری نوێژی هەینیدا لە شاری زاهیدان ڕایگەیاند، "هەڵاواردنی توندڕەو و بەربڵاو لە دژی سوننە و ژنانی ئێران جێبەجێ کراوە" و لە ماوەی چوار دەیەی ڕابردوودا لەگەڵ ئەوان وەک ="هاوڵاتی پلە دوو و سێیەم" مامەڵەیان لەگەڵ کراوە.
هەر لەو چوارچێوەیەدا جەختی لەوە کردەوە کە لەگەڵ تێپەڕبوونی زیاتر و زیاتر لە دوای شۆڕشی ١٣٥٧ەوە، کێشە و نیگەرانییەکانی خەڵک ڕۆژ بە ڕۆژ زیاتر دەبن و بەدواداچوونی پێویست لەم بوارەدا ئەنجامی نەبووە.
ئیسماعیلزاهی لە لێدوانەکانیدا داوای کشانەوەی کارمەندانی هیزە نیزامیانە لە پۆستە سیاسییەکانی وڵاتەکەی کردووە. به وته ی ناوبراو، زۆربه ی پۆسته سیاسییه کانی کۆماری ئیسلامی له لایه ن نیزامییکانەوە بەرێوە دەچێت.
ئیمام جومعەی مزگەوتی مەکی زاهیدان کە هاوکات بەڕێوەبەری قوتابخانەی ئایینی "دار الولوم زاهیدان"ە، ڕەخنەی لە هەڵسوکەوتی "لەڕادەبەدەر" هەڵاواردنانەی کۆماری ئیسلامی بەرامبەر بە هاووڵاتیانی سوننەی ئەم وڵاتە گرت و وتی کە بە پێچەوانەی بانگەشەکانی دەسەڵاتدارانی کۆماری ئیسلامی، ناوەندە گرنگەکانی بڕیاردانی وڵات و پارێزگاکان ڕەتیدەکەنەوە کەسانی شارەزا و پسپۆڕی سوننە بەرپرسیارەتیەان پێ بدرێت.
ئاماژەی بەوەشکرد، ناوەندەکانی وەک پارێزگارەکان، بەڕێوەبەرایەتییەکانی پەروەردە، و ئەنجومەنی دابینکردنی پارێزگاکان ل ەودامەزراوانەن بە توندی هەڵاواردن لە دژی پیشەییەکانی کەسانی سوننە دەکەن.
سەرەڕای ئەوەش، ئیسماعیلزاهی جەختی لەوە کردەوە کە ئەوداواکاریانەی کە لەلایەن ئەوەوە وروژێنراون، ترانز ئیتنیکی و ترانز ئایینین و بە بۆچوونی ئەو "پرسە گشتی ئێران لە "داواکارییە نەتەوەییەکان" باشترە.
لە بەشێکی دیکەی وتارەکەیدا، ئیمامی هەینی مزگەوتی مەکی زاهیدان، نیگەرانییەکانی سەبارەت بە یەکپارچەیی خاکی ئێرانی بە درۆ وەسف کرد. لەم لێدوانانەدا باسی لە هیوای پێگەیشتنی مژدە لە داهاتوودا کردووە، بەڵام وردەکارییەکانی لەو بارەوە نەخستووەتەڕوو.
مینبەری نوێژی هەینی مزگەوتی مەکی زاهیدان شایەتحاڵی ڕەخنەی ڕاشکاوانە لەلایەن عەبدولحەمید ئیسماعیلزاهی لە ئەدای کاربەدەستانی کۆماری ئیسلامی لە چەند هەفتەی ڕابردوودا. ئەم ڕەخنانە دوای ئەوە دەستی پێکرد کە هێزەکانی حکوومەتی کۆماری ئیسلامیی زاهیدان لە هەفتەی یەکەمی پاییزی ئەمساڵدا بە تەقەی بەکۆمەڵ لە خەڵکی زاهیدان لە یەک ڕۆژدا کە زیاتر لە ١٠ ٠ هاووڵاتی بەلووچیان کوشت.
ئەم بۆنەیە ناوی "هەینی خوێناوی زاهیدان"ە. بە گوتەی مەولەوی عەبدولحەمید ئیسماعیلزاهی، بەرپرسیارێتی عەلی خامنەیی ڕێبەری کۆماری ئیسلامی لە ئەستۆی ئەم ڕووداوەدایە
