ئەنجومەنی پیران پێشنیاری کردووە کە هەر بەرپرسێکی ئێرانی لە ئوسترالیا کە دەستی هەبووبێت لە ترساندن، هەڕەشەکردن، یان چاودێریکردنی هاووڵاتیانی ئوسترالیا، پێویستە لەم وڵاتە دەربکرێت.
ئەنجومەنی پیرانی ئوسترالیا ئامۆژگاری حکومەتی وڵاتەکەی کرد کە پەیوەندی دیپلۆماسی خۆی لەگەڵ کۆماری ئیسلامیی ئێران بە هۆی هەڵسوکەوتی ترسناک بەرامبەر بە خۆپیشاندەرانی ئێران کەم بکاتەوە و ڕێوشوێن بگرێتەبەر بۆ ئەوەی سوپای پاسداران بخاتە لیستی ڕێکخراوە تیرۆریستییەکانەوە.
بە پێی ڕاپۆرتی هەواڵدەریی "ئەی بی سی"ی ئوسترالیا، "لیژنەی کاروباری دەرەوە، بەرگری و بازرگانی"ی ئەنجومەنی پیران ڕۆژی چوارشەممە ١٣٩٧ی هەتاوی، ڕاپۆرتی خۆی سەبارەت بە دەرئەنجامەکانی مافی مرۆڤی ڕەفتاری توندوتیژی کۆماری ئیسلامی بەرامبەر بە خۆپیشاندەران لە ئێران پێشکەش بە حکوومەت کرد. و بە مەبەستی ڕووبەڕووبوونەوەی هەڵسووکەوتی ئەم دەسەڵاتە بەرامبەر بە حکومەتی ئێران ڕاسپاردە.
ئەنجومەنی پیران لە ڕاپۆرتەکەیدا پێشنیاری بۆ حکوومەت کردووە کە لە چوارچێوەی پرۆگرامە جۆراوجۆرەکانی ویزەدان وەرگرتنی هاووڵاتیانی ئێرانی زیاد بکات، بە گرنگیدانێکی تایبەت بە ژنان، کچان و کەمینە گۆشەگیرکراوەکان کە هەوڵی دەربازبوون لە ڕژێمی ئێران دەدەن.
هەروەها داوای لە حکوومەت کرد کە بە هۆی قەیرانی ئێستا و سیاسەتەکانی کۆماری ئیسلامی، ئەو ئێرانیانەی کە ویزای کاتی ئوسترالیایان هەیە و ناتوانن بە سەلامەتی بگەڕێنەوە وڵاتەکەیان ناچار نەکات.
لە ڕاپۆرتی سێنادا پێشنیار کراوە کە حکومەتی ئوسترالیا سزا بەسەر بەرپرسانی کۆماری ئیسلامی و ئەو کەس و دامەزراوەی سەر بە سپای پاسداران بسەپێنێت کە بەرپرسیارن لە چالاکییە ئەلیکترۆنییە زیانبەخشەکان دژی ئوسترالیا.
لە دانیشتنی ڕۆژی چوارشەممەدا ئەنجومەنی پیران بەڵگەی خستەڕوو کە لەسەر بنەمای ئەو بەڵگەیە حکومەتی ئوسترالیا دەتوانێت بە هۆی لەسێدارەدانی ئەم دواییەی خۆپیشاندەران لە ئێران هەنگاو بەرامبەر دیپلۆماتکارانی ئێرانی بگرێتەبەر، هەروەها ویزای بەرپرسانی باڵای کۆماری ئیسلامی یان بنەماڵەکانیان لە ئوسترالیا هەڵبوەشێنێتەوە.
لە کۆتایی ڕاپۆرتەکەیدا سێنا داوای لە حکومەتی ئوسترالیا کرد کە پەیوەندییەکانی لەگەڵ ئەم ڕێژیمەدا تا کەمترین ئاست کەم بکاتەوە لە بەرامبەر هەڵسوکەوتە ترسناکەکانی کۆماری ئیسلامی بەرامبەر بە خۆپیشاندەرانی ئێران و پێشنیاری کرد کە هەر بەرپرسێکی ئێرانی لە ئوسترالیا کە خەریکی ترساندنوهەڕەشە یان چاودێریکردنی هاوڵاتیانی ئوسترالیا کردوە لەم وڵاتە دەربکرین.
