وەزیری دەرەوەی فەڕەنسا داوای ئازادکردنی حەوت بەدیلگیراوی فرانسەیی لە ئێران کرد

کاترین کۆلۆنا، وەزیری دەرەوەی فەرەنسە لە هاوتا ئێرانییەکەی خۆی  حوسێن ئەمیرەبدوڵڵاهیان خواست بۆ ئازادکردنی "حەوت بەدیلگیراوە فەرەنسەیانە" لە زیندانەکانی ئێران.

ڕۆژی چوارشەممە ٥ی ڕێبەدنان ، کۆلۆنا لە تویتێکدا  لە پەیوەندییە تەلەفۆنییەکەیدا لەگەڵ ئەمیر عەبدوڵڵاهیان، داوای کردووە کۆماری ئیسلامی پابەند بێت بە یاسا نێودەوڵەتییەکان و ڕاگرتنی دەستبەسەرکردنی "ئارەزوومەندانە" لە ئێران.

لە نێو ئەو هاووڵاتییە فەرەنسییانەی لە ئێران دەستبەسەر کراون، دەتوانین ئاماژە بە فەریبا عادلخا بکەین کە لە جۆزەردانی ١٣٩٨ بە تۆمەتی هەڕەشەکردن لە ئاسایشی نەتەوەیی وڵات سزای 5 ساڵ زیندانی بەسەردا سەپێنرا. "بنیامین بریر"، هاووڵاتییەکی دیکەی فەرەنسی، لە مانگی گەلاوێژ١٣٩٩ بە تۆمەتی سیخوڕی دەستگیرکرا و سزای هەشت ساڵ زیندانی بەسەردا سەپێندرا. هەروەها "سیسل کۆهلەر" و "جاک پاریس" لە مانگی گلاوێژی ساڵی ڕابردوودا لە ئێران دەستبەسەر کران.

وەزیری دەرەوەی فەڕەنسا لە بەشێکی دیکەی پەیوەندییە تەلەفۆنییەکەیدا سەرکوتی خۆپیشاندەرانی ئێرانی شەرمەزار کرد.

وه زاره تی ده ڕه وه ی ئێران ڕاپۆرتی دا، ئه میر عه بدوڵڵاهیان ڕه خنه ی له هه ڵوێستی فه ڕه نسا له باره ی ناڕه زایه تییه کان له ئێران گرتووه و له م په یوه ندییه ته له فۆنییه دا به "نادۆستانه" ناوی برد.

وەزیری دەرەوەی کۆماری ئیسلامی هەروەها فەرەنسای بە دەستوەردان لە کاروباری ناوخۆی ئێران تۆمەتبار کرد و بڕیاری تاران بۆ سزادانی ٣٣ بەرپرس و دامەزراوەی ئورووپایی بە "رێوشوێنی بەرامبەر" زانی.

ئەوانەی سزایان بەسەردا سەپێنراوە بریتین لە چارلی ئیبدۆی هەفتەنامەی فەرەنسی و ئان هیدالگۆ، سەرۆکی شارەوانی پاریس. لەسەر بنەمای ئەمەش "سەروەت و سامانی" ئەو کەسانەی لە ئێران گەمارۆ دراون، دەستیان بەسەردا دەگیرێت و ڕێگەیان پێنادرێت گەشت بۆ ئێران بکەن.

هەروەها لە پەیوەندییەکەدا باس لە کارتۆنەکانی چارلی ئیبدۆ کرا. لە ماوەی حەوتووی ڕابردوودا ئەم گۆڤارە چەندین کاریکاتێری عەلی خامنەیی ڕێبەری کۆماری ئیسلامیی بڵاوکردۆتەوە.

لەم پەیوەندییە تەلەفۆنییەدا، ئەمیر عەبدوڵڵاهیان، عەلی خامنەیی بە یەکێک لە پیرۆزییە ئایینیەکانی موسڵمانان ناوبرد و ڕایگەیاند، ئەو کارەی چارلی ئیبدۆ "هێرشکردنە بۆ سەر پیرۆزییەکانی ئایینی".

لە درێژەی ئەم وتووێژەدا، وەزیری دەرەوەی کۆماری ئیسلامی هەروەها باسی لە پەسەندکردنی بڕیارنامەی ناساندنی سپای پاسداران لە لیستی گروە تیرۆریستییەکانی یەکیەتیی ئورووپا" لە پەرلەمانی ئورووپا کرد و هاوتاکەی هۆشداری دا: "ئەوە  کۆماری ئیسلامی ئێران بە وردی چاودێری ڕەفتارەکانی یەکێتی ئەوروپای کردووە و بەو پێیەش هەنگاوەکانی داهاتووی خۆی ڕێکدەخات”.

لە ماوەی حەوتووی ڕابردوودا هەڵمەتێکی بەرفراوان لەلایەن ئێرانییەکان لە دەرەوەی وڵات بۆ ئەوەی سپای پاسداران بخرێتە لیستی گرووپە تیرۆریستییەکانی یەکێتیی ئەورووپاوە بەڕێوەچوو. سەرەڕای پشتیوانیی پەرلەمانی ئورووپا بەم هەنگاوە و پەسەندکردنی بڕیارنامەیەک کە سپای پاسداران بە تیرۆریست ناودەبات، بەڵام وەزیرانی دەرەوەی یەکێتیی ئەورووپا ڕۆژی دووشەممە ئەم پرسەیان پەسەند نەکرد و تەنیا ٣٧ کەس و دامەزراوەی سەر بە حکوومەتی ئێران لە نێویاندا وەزیری وەرزش و لاوانی کۆماری ئیسلامی، بە تۆمەتی پێشێلکردنی مافەکانی مرۆڤ کە بە شێوەیەکی بەرفراوان سزای بایکۆت دراون.