پیرۆز بێ ٢ی ڕێبەندان ساڵڕۆژی دامەزراندنی کۆماری کوردستان
سەرەتا بەبۆنەی ساڵیادی دامەزراندنی کۆماری کوردستان بەم بۆنە مێژوویی و گرنگەوە پیرۆزبایی لە لە هەموو گەلەکەمان ڕۆڵە بەشەرەفەکانی نەتەوەی کورد خەباتگێڕانی رێگای ئازادی و سەربەخۆیی کوردستان و لە هەمان کاتدا سڵاو لە گەلی ڕاپەڕیوی شەقام و ڕاپەڕینی بەردەوامی کۆڵنەدەرانەی ڕۆژهەڵاتی کوردستان دەکەین.
نەتەوەی کورد وەک یەکێک لە گەلانی ڕۆژهەڵاتی ناوەڕاست، یەکێکە لەو نەتەوە ژیردەستانەی کە بەردەوام لە گۆرەپانی خەبات دایەوە و قوربانی لە پێناوی سەروەری نەتەوەی دەدات. کە لە سەدەی ڕابردوودا و ڕاپەڕینی زیاد لە سێ مانگەی ئەمڕۆی شەقامەکانی کوردستان نموونەی خەبات و خۆڕاگری خەڵکی کوردستان تۆمار کراوە.
یەکێک لە خاڵە هەرە گرنگەکانی مێژووی گەلی کورد کە هەم جێگای شانازییە و هەم بابەتی پێداچوونەوەی یادکردنەوەیە، ڕاگەیاندنی کۆماری کوردستان بو لە مەهاباد لە ٢ی ڕێبەندان. لە سەروبەندی شەڕی جیهانی دووەمدا کەلێنێک لە نێوان دەوڵەتی نەتەوەیی داگیرکەری ئێراندا دەرکەوت و دەرفەتێکی دیکە بۆ ڕزگاری و ئازادی نەتەوەی کرد و کوردستان دروست بوو کە نوخبەی کورد و کۆمەڵگای کوردی سەرەڕای هەموو ئاستەنگێکی دەرەکی و نێوخۆیی هەوڵیان دا ئەم دەرفەتە کەڵک وەربگرن. دامەزراندنی ژکاف هەوڵێکی ڕەوا بوو بۆ ڕێکخستن و ئامادەکاری بۆ کەڵک وەرگرتن لەم دەرفەتە..
٧٧ساڵ لەمەوبەر، ڕۆژی ٢ی رێبەندانی ساڵی ١٣٢٤ی هەتاوی (١٩٤٥زایینی) لە مەیدانی چوا چرای مەهاباد،کۆماری کوردستان راگەیندرا .
ڕۆژی دووی رێبەندان و ڕاگەیاندنی کۆماری کوردستان، نیشانەی خۆڕاگری،کۆڵنەدان و نەبەزین و ئیرادەی نەتەوەی کورد بوو لە ماوەی سەدان ساڵی بندەستیدا تا ئەمڕۆی ڕاپەڕینی شەقام کە دەنگی گەلی بەزاڵهاتووی دەستی داگیرکەر و دەولەتی چەوسێنەری ئاخوندیە، هێمای ئازادی و ئازادیخوازی و تێکۆشان بوو بۆ پچڕانی پەتی یەخسیری و بەدەستەوە گرتنی دەسڵاتی سیاسی و بنیاتنانی دەوڵەت نەتەوەیی و داهاتوویەکی بەختەورەانەی ئەم گەلەیە.
کۆماری کوردستانی، وەدیهاتنی ئاوات و ئارەزووی لە مێژینەی کوردان بوو، وەراست گەڕانی خەونی خانی، حاجیو بەری خوێن و ئارەقە ورەنجی سەرکردە مێژوویەکانی نەتەوەکمان، شێخ عوبەیدوڵڵای نەهری، شێخ سەعیدی پیران، شێخ ڕەزای دەرسیم، سمکۆی شکاک، مەلیک مەحمودی نەمر و ژێنێڕاڵ ئێحسان نوری پاشا بوو.
بە دامەزراندنی کۆماری کوردستان ،نەتەوەی کورد ناوچەیە لە رۆژهەڵات کوردستانی ، ئازادی ئەستاند ، و چارە نووسی خۆی بەدەستەوە گرت و فەرمانراوای نەتەوەی دامەزراند، ئالای کوردستانیان هەڵکرد ئالای داگیرکەرانیان تۆر داو بیگانیان لە ناوچە بەدەر کرد، کورد بوە خاون مالی خۆی،
بە دامەزراندنی کۆماری کوردستان زمانی نەتەوەی رەسمی کرا و بە خێرای گەشەی بەرچاوی بە خووە دیت و لە هەمان کاتدا چاپخانە و ڕادیو و و کتێبخانەی نەتەوەی و ئەرتەشی نەتەوەی هیزی پێشمەرگە دامەزران.سەرەڕای نایاسایی بونی ناوچەکە ئاسیاش و ئەمنیەتی هاولاتیان بەتەواوەتی دەپاریزرا.
لە کۆماری کوردستان، ژنان بە بەشداری سیاست و دامەزراندنی چەند رێکخراوی تایبەت بە خۆیان و رۆڵی بە رچاویان هەبوو لە کۆماری کوردستان.
بە دامەزراندنی کۆماری کوردستان لە بەشی کەمی نیشتمان بەڵام هێوای گەورەی خستە ناو دڵی هەموو رۆڵەکانی نەتەوەوە و شۆڕشگێڕان و و ئازادیخوازانی لە پارچەکانی دیکەی کوردستانە و بە بەشداری و بەهانای کۆماری کوردستانەوە هاتن و کۆماری کوردستانیش بێ جیاوازی باوشی بۆ کردنەوە، کۆماری کوردستان بووە قیبلەی یەک ڕیزی ناوماڵی کوردو کە دەسکەوتەکانمان لە هەر بەشی دیکەی کوردستان گریدراوی یەکن و بە بی یەک سەرکەوتنی بەرچاو بە دی ناکریت
ئەم ڕووداوە مێژوویەو دەسکەوتە بە نرخانە تەنیا لە ماوەی یازدە مانگ تەمەنی کورتی کۆماری کوردستان دەستکەوت کە کە دوای سەدان ساڵ داگیرکراوی و پارچە پارچەی نەتەوەکمان باشترین دەسکەوتی نەتەوەکمانە .
هەر چەند کۆماری کوردستان لە کەم تەمەنی باشترین دەسکەوت و پێشکەوتنی بە رچاوی بە خۆیەوە دێت بەلام ئاستی ئامادەی و تاقەت و توانای کۆماری کوردستان نیتوانی پێش بە پلانی داگیرکەران و بەرژەوندی زلهێزەکان ناوچە بگریت سەرئەنجام کۆماری کوردستان رووخا و بۆ جارێ دیکە کوردستان داگیرکرایەوە، پێشەوا و ژماریک لە وەزیر و ئەفسران و کار بەدەستانی کۆمار لە مەهاباد لە سێدارە دران .
دوای رووخانی کۆماری کوردستان ئەو ئالایەی لە چوارچرا هەڵکرا و هیوای کورد لە دڵندا نەکوژانەوە و وەک چرای رۆناکی رێگەی رزگاری تا ئەمرۆکەش هەر لە سەر رێبازی پێشەوا هەزاران کەس لە بندیخانەکان و چاوروانی پەتی سێدارەن و یا لەسێدارە دراون لە ژیر ئەشکەنجەی داگیر کەران نا بو داگیر کردنی کوردستان زمزمە دەکن یا ئاڵا بەدەس و تێکوشەر، هەڵگری بێری نەتەوین ولە سەر ڕێبازی پێشەوای نەمەر قازی موحەممەدن ،لە هەر گوشەیک لە ئەم نیشتمانە لە هەر کات و هەڵومەرجێک دا ئالای شۆڕشیان هەلکردوە سەر لە نوی تیهەلچونەتەوە لە سەر رزگاری نەتەوەکیان،کۆماری کوردستان قیبلەی شۆڕشگێرانی رێگەی رزگاری یەک جاری نەتەوەکیانن .
رێکخراوی یاری کورد (یارسان) و یەکێتی شۆڕشگێڕانی کوردستان بەم بۆنە پیرۆزە نەتەوەیی و نیشتمانییەوە، گەرمترین و پیرۆزبای پێشکەش تێکوشەران ڕێگەی ڕزگاری و سەربەخۆیی کوردستان و گەڵی کوردستان دەکات، هەزاران سڵاو پێشکەشی گیانی پێشەوای شەهید قازی موحەممەد و ئەفسران و پێشمەرگەکان و کاربەدەستان و تێکوشەرە شەهیدەکانی کۆماری کوردستان دەکات و وەک رێکخراوی یاری کورد یارسان ویەکێتی شۆڕشگێڕانی کوردستان ، لەم رۆژە پەیمان نۆی دەکەینەوە کە هەلگری ریبازی پێشەوا سەربەخۆیی ولاتەکمان و هەڵگری ئاڵای نەتەوتیی و سروودی نەتەویی بێن و هەتا رزگاری یەکجاری نیشتمان و هەلکردنەوەی ئاڵای نەتەوەی و بیگانە بەدەر کردن لە نیشتمانمان ،هەرگیز سەنگەری خەبات و بەرخۆدان چۆڵ نەکەین.
با یادی کۆماری کوردستان هاندەرمان بێ بۆ یەکگرتنی ریزەکانمان، گوڕ تیندان بە خەبات سوربوون لە سەر سەربەخۆیی خاک و گرتنەوەی مافە رەواکانمان و ئالای کۆماری کوردستان و سرودی نەتەوەی و بیرەوەری کۆماری کوردستان ئیلهامبەخشی تێکۆشان و کۆڵنەدانمان لە پێناوی رزگاری و سەر بەخۆیی کوردستان بێت.
٧٧مین ساڵیادی کۆماری کوردستان پیرۆز بێت
مەرگ و نەمان بۆ دوژمنان و داگیرکەرانی خاکی کوردستان
رێکخراوی یاری کورد و یەکێتی شۆڕشگێڕانی کوردستان
