ئێمامی هەینی مزگەوتی مەکی زاهیدان بە ڕەخنەگرتن لە زیادبوونی کەشوهەوای ئەمنی لە بەلووچستان، بارودۆخە ئەمنییەکانی بە گرنگترین هۆکاری "دواکەوتوویی وڵات" زانی.
مەولەوەی عەبدولحەمید ئیسماعیلزاهی، ئیمامی هەینی مزگەوتی مەکی زاهیدان، وێڕای جەخت کردنەوە لە سەر پێویستی گۆڕینی دەستووری کۆماری ئیسلامی، لە بەیاننامەیەکدا وتی: ڕێبەرانی تەمەن ٨٠ و ٩٠ ساڵان ناتوانن یاسا بۆ هاووڵاتیانی گەنج دابنێت.
مەولەوی عەبدولحەمید ئیسماعیلزاهی ڕۆژی هەینی ٣٠ ی ڕێبەندان خوازیاری گۆڕینی دەستووری کۆماری ئیسلامی بوو و ڕایگەیاند: بەداخەوە دەستوور ٤٤ ساڵ لەمەوبەر دروست بووە و نوێ نەکراوەتەوە. ئەم یاسایە کە ٤٤ ساڵە لەکاردایە، دەبێت گۆڕانکاری بەسەردا بێت، مەرجەکانیش بگۆڕدرێن و دەستووریش بگۆڕدرێت”. ئەم یاسایە کە ٤٤ ساڵە لەکاردایە، دەبێت گۆڕانکاری بەسەردا بێت، بارودۆخەکان گۆڕانکاریان بەسەردا هاتوە و دەستووریش دەبێ بگۆڕدرێت”.
وێڕای پشتڕاستکردنەوەی ئەوەی کە هێزەکانی حکوومەت لە چەند ڕۆژی ڕابردوودا ١٥ خاڵی پشکنینیان لە شاری زاهیدان دامەزراندووە، داوای هەڵوەشاندنەوەی ئەو ناوەندانە و کەمکردنەوەی کەشوهەوای ئەمنیی بەلووچستان دەکات.
بەلووچستان لە ساڵانی ڕابردوودا کەشێکی ئەمنیەتی بەخۆیەوە بینیوە و دوای زیادبوونی نفوزی سپای پاسداران لە بەلووچستان. چالاکانی بەلووچ بوونی هێزی سەربازی لە زاهیدانیان بە "بێ وێنە" وەسف کردووە.
هێزەکانی حکوومەتی کۆماری ئیسلامی لە ماوەی چەند ڕۆژی ڕابردوودا لە سەرجەم دەروازە و دەرچوونەکانی شاری زاهیدان چەندین خاڵی پشکنینیان داناوە. هەروەها بوونی هێزە ئەمنییەکان لە سەرتاسەری شارەکەدا بە شێوەیەکی بەرچاو زیادی کردووە و بارودۆخی ئەم شارەش لە ڕادەبەدەر ئەمنیەتی ڕاپۆرت کراوە.
