بەرەبەیانی ئەمڕۆ چوارشەممە لە باکوری شاری بێرڤاری لە ناوچەی کیێڤ، بە هۆی کەوتنەخوارەوەی هێلیکۆپتەرەکە وەزیری ناوخۆی ئۆکراینو جێگرەکەی گیانیان لەدەستدا.
پۆلیسی ئۆکراین پشتڕاستیکردەوە کە دێنیس مۆناستیرسکی وەزیری ناوخۆ و یێڤگنی ئینین جێگری یەکەمی وەزیری ناوخۆ و یورا لوبکۆڤیچ وەزیری ناوخۆی ئۆکراین لەو ڕووداوەدا گیانیان لەدەستداوە.
بە گوتەی دەسەڵاتدارانی ئۆکراین، هێلیکۆپتەرەکە لە نزیک باڵەخانەیەک و باخچەیەکی ساوایان کەوتووەتە خوارەوە کە دێنیس مۆناستیرسکی وەزیری ناوخۆی ئۆکرانیا لەگەڵ هەشت کەسی دیکە لە کۆپتەرەکەدا بوون.
دەسەڵاتدارانی ئۆکراین ڕایانگەیاندووە کە سەرنشینانی ئەم هێلیکۆپتەرە شەش بەرپرسی وەزارەت و سێ تیمی فڕۆکەوانی پێکهاتوون.
دێنیس مۆناستیرسکی، کەسێکی پلە باڵای ئۆکراینییە کە لە سەرەتای لەشکرکێشی ڕووسیا بۆ سەر ئەو وڵاتە کوژرا.
لە نێو کوژراوەکاندا منداڵێک هەیە و ١١ منداڵی دیکەش لە نەخۆشخانە چارەسەریان بۆ دەکرێت.
دیمەنەکانی ئاگرکەوتنەوە گەورەکەی دوای کەوتنەخوارەوەی هێلیکۆپتەرەکە بە خێرایی لە سۆشیال میدیا بڵاوکرایەوە.
تا ئێستا هۆکاری کەوتنەخوارەوەی نەزانراوە.
کریلۆ تیمۆشینکۆ، جێگری سەرۆکی ئەرکانی ئۆکراین لە پەیامێکی تەلەگرامدا وتی: هەوڵدەدەین زانیاری لەسەر قوربانییەکان و دۆخەکە کۆبکەینەوە.
