ئەو تۆمەتەی لە دۆسیەیی ئەو دوو هاووڵاتییە کوردە هاتە ئاراوە، "گەندەڵی لەسەر زەوی" فساد فی الارض بووە.
بەرەبەیانی ڕۆژی شەممە ١٧ی بانەمەڕ حوکمی لەسێدارەدانی محەممەد مێهدی کەرمی و محەممەد حوسێنی دوو خۆپیشاندەری کورد کە لە ڕاپەڕینی سەرتاسەری دژی کۆماری ئیسلامی دەستبەسەر کرابوون، لەسێدارە درا.
بە پێی ڕاپۆرتی "میزان"، ئاژانسێکی هەواڵی سەر بە دەسەڵاتی دادوەری کۆماری ئیسلامی، ئەم حوکمە دوای ئەوەی دادگای باڵای ئەم وڵاتە حوکمی ئێعدامی محەمەد مێهدی کەرمی و محەمەد حوسێنی بە تۆمەتی "ڕۆڵگێڕان" لە کوشتنی جاشیک لە ئەندامانی بسیج لە کاتی ٤٠ ی حەدیس نەجەفی یەکێک لە شەهیدانی ڕاپەڕینە جێبەجێ کراوە.
ئەو تۆمەتەی لە دۆسیەی ئەو دوو هاووڵاتییە کوردە ، "گەندەڵی لەسەر زەوی"فساد فی الارض بووە.
محەمەد حسێن ئاغاسی، پارێزەری محەممەد مێهدی کەرەمی کە هەرگیز ڕێگەی پێنەدرابوو لە دادگا ئامادە بێت، لەم چوارچێوەیەدا ڕایگەیاند کە محەممەد مێهدی لە کاتێکدا لە "مانگرتنی خۆراکی وشک"دا بووە لە سێدارە دراوە و هەر وەها هەروەها دەڵێت: دەسەڵاتدارانی کۆماری ئیسلامی پێش جێبەجێکردنی حوکمەکە ڕێگەیان نەدابوو بنەماڵەی ئەم هاووڵاتییە تەمەن 22 ساڵە "دواین سەردان"یان هەبێت.
ئەو دادگایەی کە مامەڵە لەگەڵ دۆسیەی "ڕوحوڵڵا ئەجەمیان" دەکات، پێشتر شانزە کەسی بە تاوانبار زانیبوو کە "ڕۆڵیان هەبووە" لە کوشتنی ئەم بەسیجییە لە کاتی دادگاییکردنێکی تەنها لە ماوەی شەش ڕۆژدا لەسێدارەدانی محەممەد حوسێنی و محەممەد مێهدی کرمی لە کاتێکدا ڕوودەدات کە هەردووکیان بە ڕوونی ئەو تۆمەتانەیان ڕەتکردەوە کە ئاراستەیان کراوە و دانپێدانانەکانیان بە ئەنجامی دانپێدانانی زۆرەملێ و ئەشکەنجەدانیان زانیوە.
عەلی شەریفزادە ئەردەکانی، پارێزەری محەممەد حوسێنی، لەو چوارچێوەیەدا ڕایگەیاندووە کە لە چاوپێکەوتنی لەگەڵ محەممەد لە زیندانی کەرەج، محەممەد حوسێنی ڕایگەیاندووە کە "دانپێدانانەکانی لە ژێر ئەشکەنجەدا بووە و هیچ بنەمایەکی یاسایییان نییە".
لەم دیدارەدا محەممەد حوسێنی وتەیەتی "لە ئەشکەنجە، لێدان بە چاوبەستن، دەست و پێی بەستراو بە لێدان لە سەر و بێهۆشبوون، لێدانی بنی پێیەکان بە لولەی ئاسنین و شکنجەی بە شوک و کارەبا لەشوێنە حەساسەکانی جەستەدا ئەم دانپێنانەیان بە زۆرە ملی بەسەریاندا سەپاندوە.
هەروەها محەممەد مێهدی کەرمی لەژێرکەفالەتی سیاسی کلیمەنتین ئۆتان ئەندامی پەرلەمانی فەرەنسا و ئەردەلان شۆکەرابی ئەندامی پەرلەمانی سوید بوو.
هەر لەو پێوەندییەدا ناوبراو ئاماژەی بەوەدا: دەسەڵاتی کۆماری ئیسلامی حەزیان لەوە نییە کە پارێزەرێک تانە لەو حوکمانەی کە لە دژی تۆمەتبارانی وەک موحارەبە دەرچووە، بەرەنگاری بکاتەوە.
