ئۆکراین "ڕێککەوتنی گەورەی چەک"ی نێوان ئێران و ڕووسیەی ئاشکرا کرد
دەزگای هەواڵگری ئۆکراین ڕاپۆرتی ڕێککەوتنێکی "گەورەی چەک"یان بۆ فرۆشتنی فڕۆکەی بێفڕۆکەوانی ئێرانی بە ڕوسیە ڕاگەیاند، لەکاتێکدا ئادریان واتسۆن، وتەبێژی ئەنجومەنی ئاسایشی نیشتمانی کۆشکی سپی نیگەرانی خۆی لە بەردەوامی هاوکارییە سەربازییەکانی ئێران و ڕووسیا دەربڕی و ڕایگەیاند، ئەمریکا هەنگاوی زیاتر دەنێت بۆ سنووردارکردنی دەستڕاگەیشتن بە فڕۆکە بێفڕۆکەوانەکانی ئێران، ئێران دەیکات بردن لەگەڵ ئەو تەکنەلۆژیایانەی کە لە بەرهەمهێنانی فڕۆکەی بێفڕۆکەواندا بەکاردەهێنرێن.
ڤادیم سکیپێتسکی، جێگری سەرۆکی دەزگای هەواڵگری سەربازی ئۆکراین لە چاوپێکەوتنێکدا وتی: ڕێژیمی ئێران گرێبەستێکی لەگەڵ ڕووسیە واژۆ کردووە بۆ دابینکردنی ١٧٥٠ فڕۆکەی بێفڕۆکەوان بۆ مۆسکۆ.
به وته ی ئه م به ڕپرسه هه واڵگرییه ئۆکراین، ڕووسیە تا ئێستا ٦٦٠ فڕۆکه ی بێ فڕۆکه وانی خۆکوژی شه هید-١٣٦ی ئێرانی له شه ڕی ئۆکراین به کار هێناوه و به م زووانه ³°° فڕۆکه ی دیکه ی له م جۆره وه ڕده گرێت.
سکیپتسکی ئاماژەی بەوەشکرد، ڕوسیە پەنای بۆ فڕۆکەی بێفڕۆکەوانی خۆکوژی بردووە، چونکە ئەو موشەکە وردانەی نییە کە پێویستە لە جەنگدا بەکاریبهێنێت.
لەلایەکی دیکەوە دیپلۆماتکارانی ئەمریکا و ئەوروپی بە ئەلمۆنیتۆریان ڕاگەیاندووە، تا پرسی هاوکارییە سەربازییەکانی ئێران لەگەڵ ڕووسیە لە شەڕی ئۆکراین چارەسەر نەکرێت، دانوستانەکان بۆ زیندووکردنەوەی ڕێککەوتنی ئەتۆمی هیچ پێشکەوتنێکی بەخۆوە نابینن.
