سەرچاوەکانی ئەلعەرەبیە ئەوەیان خستوەتە ڕوو، فڕۆکەخانەی ئەلقاسیری سوریا بۆتە ناوەندێکی لێکۆڵینەوە و پەرەپێدان بۆ فڕۆکە بێفڕۆکەوانەکانی ئێران.
ئەلعەرەبیە، ڕۆژی یەکشەممە ئیسرائیل یەکەیەکی ئاسمانی سەر بە حزبوڵای لوبنانی لە فڕۆکەخانەی ئەلقاسیری سوریا کردە ئامانج.
دوێنی پێنجشەممە هێزی ئاسمانی 127ی حزبوڵڵا کە لە ئۆپەراسیۆنەکەدا کرایە ئامانج، بەرپرسیارە لە بەرهەمهێنانی فڕۆکەی بێفڕۆکەوان لە لوبنان.
بەگوێرەی سەرچاوەکانی ئەلعەرەبیە، فڕۆکەخانەی ئەلقاسیری سوریا بۆتە ناوەندێکی لێکۆڵینەوە و پەرەپێدان بۆ فڕۆکە بێفڕۆکەوانەکانی ئێران.
لە هێرشێکی جیادا، ئیسرائیل ڕۆژی دووشەممە ناوەندێکی فەرماندەیی ئێرانی لە دڵی دیمەشقی پایتەختی سوریای دا.
ئێران بۆ درێژەدان بە چالاکییەکانی ژێرخانی سووریا و ناوەندەکانی نیشتەجێبوون لە دیمەشق کەڵک وەردەگرێت.
ڕوانگەی سوری بۆ مافەکانی مرۆڤ پێشتر ڕایگەیاندبوو کە دوو هێزی حزبوڵای لوبنان لە هێرشێکی ئاسمانی ئیسرائیلدا لە نزیک فڕۆکەخانەی دیمەشق کوژراون.
ئاژانسی هەواڵی دەوڵەتی سوریا سانا هەروەها ڕایگەیاندووە کە سیستەمی بەرگری ئاسمانی ئەو وڵاتە بەرەبەیانی ڕۆژی سێشەممە وەڵامی هێرشە مووشەکییەکانی ئیسرائیلی داوەتەوە و دوو سەربازیش بریندار بوون.
کۆگای تەقەمەنی حزبوڵڵا
بەپێی ڕاپۆرتی ڕوانگەی سوری بۆ مافەکانی مرۆڤ، ئیسرائیل لەم هەفتەیەدا کۆگایەکی چەکی حزبوڵای کردە ئامانج. کۆگای چەکەکان دەکەوێتە باشووری پایتەخت، لە نێوان فڕۆکەخانەی نێودەوڵەتی دیمەشق و ناوچەی ئەلسیدە زەینەب.
لە 19ی ئەم مانگەدا ئیسرائیل پێگە سەربازییەکانی لە پارێزگاکانی حومس و حەمای ناوەڕاستی سوریا کردە ئامانج و بەهۆیەوە چوار سەربازی سوریا کوژران.
پێشتریش لە 12ی ئەم مانگە تەلئەبیب هێرشی کردە سەر فڕۆکەخانەی سەربازی ئەلشەیرات لە ناوەڕاستی سوریا و بەهۆیەوە دوو سەرباز کوژران و سێ سەربازی دیکەش برینداربوون.
لەماوەی چەند ساڵی ڕابردوودا سوپای ئیسرائیل سەدان هێرشی ئاسمانی بۆسەر ئامانجە سەربازییەکانی سوپای سوریا و هێزە بە وەکالەتەکانی ئێران و بەتایبەت هێزەکانی هەسەدە لە سوریا ئەنجامداوە.
تەلئەبیب بە دەگمەن بەرپرسیارێتی ئەم هێرشانە قبوڵ دەکات، بەڵام هەمیشە جەختی لەوە کردووەتەوە کە ڕێگری لە ئامادەبوونی سەربازی ئێران لە سوریا دەکات.
