داریا سەفایی، ئەندامی پەرلەمانی بەلژیک بە ڕەچەڵەک ئێرانی، داوای لە حکومەتی بەلژیک کرد کە سپای پاسداران بخاتە ناو لیستی تیرۆریستی یەکێتی ئەوروپا.
ڕۆژی پێنجشەممە زۆرینەی پەرلەمانی هۆڵەندا بە پێشنیاری پارتی یەکێتی مەسیحی بۆ دانانی سپای پاسدارانی ئێران لە لیستی ڕێکخراوە تیرۆریستییەکانی یەکیەتیی ئورووپا ڕازی بوون.
بە پێی ڕاپۆرتی پێگەی هەواڵی هۆڵەندی NU.nl، سپای پاسداران ڕۆڵێکی گرنگ دەگێڕێت لە سەرکوتکردنی ئەو ناڕەزایەتیانەی کە لە ناوەڕاستی مانگی ڕەزبەرەوە بە هۆی کوژرانی ژینا ئەمینی، کچێکی تەمەن ٢٢ ساڵ خەڵکی سەقز دەستی پێکرد.
ئەم ڕاپۆرتە دەشڵێت، ژینا دوای دەستبەسەر کردنی لەلایەن پۆلیسی ئاسایشی ئەخلاقی ئێرانەوە شەهید کراوە.
لە درێژەی ئەم ڕاپۆرتەدا باس لەوە کراوە کە کۆماری ئیسلامی ئێران لە ڕێگەی سپای پاسدارانەوە ناڕەزایەتییەکانی ئێستای سەرتاسەری بە توندی سەرکوت دەکات.
ئێستا پەرلەمانی هۆڵەند هەوڵدەدات سپای پاسداران بخاتە لیستی ڕێکخراوە تیرۆریستییەکانی یەکێتی ئەوروپا.
دان سایدەر، پەرلەمانتاری یەکێتی مەسیحییەکان وتی: کارەساتبارە چۆن ڕێژیمی ئێران مافەکانی مرۆڤ پێشێل دەکات و بە توندوتیژییەکی کوشندە هێرش دەکاتە سەر گەلەکەی خۆی.
ئه ندامی په ڕله مانی هۆڵه ند به ئاماژه به دانانی سپای پاستادارن له لیستی تیرۆری ئەمریکا له ساڵی 2019 له لایه ن ئیداره ی دۆناڵد تره مپ، سه ڕۆکی پێشووی ئه مریکا، جه ختی له وه کرده وه که وڵاتانی یه کێتیی ئه وروپا "پێویسته هه ڵوێستێکی چاره نووسسازتر وه ڕبگرن". بۆ پشتیوانی لە خەڵکی ئێران
داریا سەفایی، ئەندامی پەرلەمانی بەلژیک بە ڕەچەڵەک ئێران وتی: من داوام لە حکومەتی بەلژیک کردووە کە سپای پاسداران بخاتە لیستی تیرۆریستی یەکێتی ئەوروپا.
هاوکات ڕۆیتەرز لە وتارێکدا نووسیویەتی کۆماری ئیسلامی لە "پرۆسەی شۆڕشگێڕانە"دایە و جەختی لەوە کردووەتەوە کە ڕاپەڕینی گەلی ئێران لە ساڵی داهاتوودا بەربڵاوتر دەبێت و بە تەحەدای قووڵترەوە ڕووبەڕووی حکومەت دەبێتەوە.
ئاژانسی ڕۆیتەرز بڵاویکردەوە، سەرکوتکردنی ناڕەزایەتییە جەماوەرییەکانی سەرکردایەتی ئێران و جێگیرکردنی فڕۆکەی بێفڕۆکەوان و مووشەکی سەرکردەکانی بۆ ڕووسیا بۆ بەرەنگاربوونەوەی ئۆکرانیا وایکردووە ڕۆژئاوا دوودڵ بێت لە زیندووکردنەوەی ڕێککەوتنە ئەتۆمییەکەی ساڵی 2015 کە ملیارەها دۆلاری سەرمایەی بۆ تاران دابینکردبوو.
هەر لە سەرەتای ناڕەزایەتییە سەرتاسەرییەکانی ئێستای ئێرانەوە، ئەمریکا، وڵاتانی ئورووپایی و یەکێتیی ئەورووپا، دەسەڵات و بەشێک لە دامودەزگاکانی بەشدار لە سەرکوتی گەلی ئێرانیان گەمارۆ داوە.
لە نوێترین ڕێوشوێنی ئەم ڕێوشوێنانەدا وەزارەتی خەزێنەی ئەمریکا سزای بەسەر محەممەد جەعفەر مۆنتەزەری، داواکاری گشتی ئێران و شەش بەرپرسی باڵای سپای پاسدارانی ئینقلابی ئیسلامی و بەسیج و هەروەها کۆمپانیایەک کە چەکی دژە یاخیبوون بەرهەم دەهێنێت و دابین دەکات.
