پێش هەموو شت دەبێ باس لە ئەم خاکە بکەین کە ئێمەی لێ نیشتەجێین.
نەتەوەی کورد و ئەم جوغرافیاییە باس و خواستی زۆری لەسەر کراوە بەڵام ئەوە کە لیی دەترسرێت ئەوەیە کە بەدەوڵەت بونی کورد، کە خاوەنی دەوڵەت و کیانی خۆی بێت کوردستانی دادەمەزرێت کە خاوەنی زیاد لە پەنجا ملیون حەشیمەت و ئەم دەوڵەتە سەرێکی لەدەریای رەش و ئەوی سەری پاڵی داوە بە کەنداوی العەربیە وە یانی دەتوانی لە هەر بوارێ بەهێزترین دەوڵەتی ناوچەکە بێت کە سنووری گشتی عەرزی وڵاتە عەربەکان و تورک و عەجەمە ئەم سنوورە لە هەر بوارێکەوە کە بە پێکهێنانی دەوڵەتی کوردی پێک دێت جێگەو پێگەی تایبەت بە خۆی هەیە کە هیچ وڵاتێ کە نیەتی ئەمە فاکتەرێکی بەهێزی ئەم خاکە پیرۆزەیە کە دەبێتە لانکەی ئاسودەی و ئارامی ناوچەکەش بەڵام بەرژەوەندی وڵاتانێ لە شەڕ و پێکدادانی ئەم نەتەوانەدایە کە ڕێگرن لە بەدەوڵەت بونی کوردستانی گەورە، و تەنانەت دەوڵەت کوردستانیەکان بۆ هەر بەشی داگیرکراو. هەمیشە کوردستان داگیرکراو بوتە مەیدانی شەڕی وڵاتانی ناوچەکە لە شەڕی چالدرانەوە تا شەڕی عێراق و ئێڕان و بەردەوام ئەم خاکە مەیدانی بەربەرکانی ئەم وڵاتانە دەبێت تا دامەزراندنی دەوڵەتی سەربەخۆی کوردی کە ڕێگەی چارەی ئاسودەی و ئارامی بۆ ناوچەکە دەگەڕێنێتەوە.
بە خیاڵ و وەهم دەوڵەتی کوردی ساز ناکرێت.
با ئەوش بێنمە ڕوو هەر چەند داگیرکەران بەسەدان ساڵە لە ناو خاکی ئێمە غارغارێنیان کردوە و جینوسایت و ئەنفالمان دەکەن بەڵام نەیان توانێوە هەستی نەتەوەی و کوردستانی بۆنمان لێ بستێنەوە. ئەم گەلە تا ئێستا بە سەدان ساڵە شەڕی مان و نەمان و قوربانی داوە لە رێگەی دەسبەسەر کردن مافە سەرەتایەکانی تا بگات بەسەربەستی نەتەوەیی.
بەڵام زۆر سەرکردەی هەڵومەرجی بۆ سەرکەوتن ڕەخساندوە بەداخەوە هەمیشە کێشە ناوخویەکان رێگربون کە شۆڕشەکان بێ دەسکەوت زۆربەی گەلیش بێ هێوا کراون.
ئێمە دەبێ دەرسێ لە مێژووی خەباتی نەتەوایەتی بگرین کە تەنیا رێگەی ڕزگاری ئەم گەلە بەستراوەتەوە بە هێزی نەتەوەی دوور لە هەر بیرو باوەری کە دابەشمان بکات بە سەر چەپی و ڕاستی بون کە ببێتە هۆی ناتەبایی و نایەکرێزی، کە بەداخەوە ئەمرۆ هەموو بیرەو باوەری بە سەر بیری نەتەوەی زاڵە. ئێمە هەمووهەڵدەخڵەتین بە قسەی زریقەو بریقەدار و چەپڵە لێ دەدەین بۆ دەسکەوتە بێ بنەماکان. هەموو کەس خۆی ناتوانی بێ بەش کات لم نەیامەتیە.
کێشەی سەرەکی خۆمانین کە هەڵخەڵتاوین بە دەس سەرکردایەتی بەرەی ناسیونالیزمی کوردی کە باسی سەربەستی ئەم گەلە دەکەن. بێ ئەوەی شارەزای جوگرافیای و زانستی و سیاسی و ئاگاداریمان هەبێت دەکوێنە شوێنیان بۆ هەر بریارێکی ناچارەنوس ساز بۆ ئەم گەلە دەدەین. بێ ئاگا لەوەی کە دەسکەوتەکانی بۆ گەلە یا بۆ گیفانی خۆیان.
بە ڕاشکاوانە سەرکردەی بەرەی ناسیونالێزمی کوردی لە کوردستان نییە کە کار بۆ بەدەوڵەت بونی کورد کردبێت بێجگە لە ساز کردنی وەهم و خیاڵ. دەوڵەتی کوردی لەناو ئەم دراوسێ داگیرکەرانە و یەکگرتوانە بۆ هەر دەسکەوتی کورد هاوپەیمانن پێکەوە نەقشەی دارۆخانی دەسکەوتەکانم دەدەن.
ئەم سەرکردانە زۆرێنەیان لە لایەن دراوسێکانمان کوک دەکرێن و سەربەخۆ نین تا سەربەخۆیی بۆ من کەنە خەڵات.
بەدەوڵەت بوونی گەلێکی پەنجا ملوێن کەسی کەی بە مەرجعیەت دەکرێت و کەی توبەکارو سیخور دەتوانی سەرکردایەتی ئەم ڕەوتە ناسیونالێزمیە بکات. بە سەری گرت و سەری نەگرت نابێنە خاوەن کیانی خۆمان. ئێمە دەبێ واقعبینانە چاو لە بارودوخەکە کەین، بەداخەوە ئەمڕۆ باشترین هەڵومەرجمان هەیە، بە بونی سەدان میدیاو بەرنامەی ڕاگەیاندن بۆ ئەوەی کە بتوانین بەرنامەیە و ستراتیژی و هەڵومەرجی بەدەوڵەت بون برەخسێنین. بەڵام هەر لم میدیا حیزبیە نا ناسیونالیزمیانە و دەسەڵاتە نانەتەویە خەرێکی داڕۆخاندنی هەستی نەتەوین. لە بۆ وەهم و خیاڵێ بەدەوڵەت بون. هەر ڕۆژی شەیپووری خەونەکانیان لێدەدەن. کاتی دەسکەوتی تاکە کەسیە و بۆ سەرکردایەتی یا دڵسوزیەکی لە بریارەکە ببیندرێت لە بۆ حیزبەکەیانە نە بۆ گەل.
تۆ خوا خێرێکی ئەم چەند حیزبە بە ناو سەربەخویی خوازەی کوردم، پێ بڵێن، کامیان سیخوری و خیانەتیان نەکردوە کامیان بوتیان بۆ ساز نەکردوین لە خۆیان .
بە سازکردنی خیاڵ و وەهم سەرکردەی نەتەوەی ساز ناکرێت، بەڵکۆ ئەوە سیاسەت و کردار کۆمەڵایەتی نەتەوەیی و چەند بنەما خەسڵەتی وەک پێگەی جەماوەرێکی دڵسوز و زانا وتێگەیشتوو، پاراستنی کەسایەتی سیاسی خۆی و ئەخلاقی شۆڕشگێڕی و لێبوردەی دەبێ تێدا بەدی بکرێت. کام لەم سەرکردانە خاوەنی ئەم خەسڵەت و پێگەیەن.
کامیان تواناو کارێزمایی ئەوەیان هەیە کە یەکگرتووی نەتەوەی و یەکدەنگی سیاسی رێبەرایەتی بکات، کە ئەمە دەسکەوتە سەرەتایەکانی سەرکردەیەکی سەربەخۆیی خواز و نەتەوەییە کە بتوانی خاوەنداریەتی لە ویست و داخوازی گەلێکی پەنجا ملیۆن کەسیە بکات کە پرسی نەتەوەی کورد بۆ بەدەوڵەت بگرێتە ئەستۆ.
سەدان جار شۆڕشی کورد بە هەڵەکانی ناوخۆیی و ناتەبایەکانمان لە سەرکردایەتیەوە هەرەسی هێنا،
کە رۆح و هەستی نەتەوەی هەموو کوردێکی بریندار و ئازاریدا بێ هێوایی و ناوئومیدی کوردستانی گرتەوە بەڵام سەر لە نوێ ڕۆحی نەتەوەی و کوردایەتی سەری هەڵداوتەوە و بە جۆش و خرۆشترلە جاران هاتونەتەوە مەیدانی خەبات کە ڕیگر بوە لە تواندنەوەی نەتەوەکەمان.
ئەوەی ئێستا دەبێنرێت زیاتر بەرژەوەندی کەسایەتیە نە داکوکی کردنیش بێت بە ناومافەکانمان لە ناو دەوڵەتە داگیرکەرەکان،و نە سازدانی جاڕی نەتەوەی و و شۆڕش بۆخەبات بۆ بەدەوڵەت بون، پێم‌سەیرە دوای چەندین ساڵ پێشمەرگایەتی و خۆ بە خاوەنی سەدان پرۆژەو دیکۆمێنت دەزانی کەچی کوتویتە شوێن وەهم خیاڵ، کە رەخنەش بگیردرێت هەرشەی کوشتن و ترۆری کەسایەتی بکەن ئەمانە کەی دەتوانن خاوەنداریەتی لە پرسی نەتەوەی بکەن. کەی ئەمانە حازرن خۆیان ماندووکردوە و کاتیان بۆ داناوە وهمیشە خۆیان فەرز کردوە و پاوەنخواز بون بە دانی پڕۆژەکەش شەیپوریکیان هەڵگرتوە بوتێکان لە سەرکردەکەیان بۆ سازکردوین کە ئەو خاوەنداریەتی دەکات بێ ئەم، کورد ناتوانی خاوەن هیچ بێت کام وڵات مەرجەعیت کردونیەتە خاوەن دەوڵەت بون لەکاتێکا خۆیان بە ناوی خزمەتکاری و پێشمەرگە و خاوەن هەموو شتن . ئەوندی مافی ئەم گەلە لە لایەن ئم حیزبە ناناسیونالێزمانەوە زەوت کراوە هیچ ئیدەو باوەرێکی کە ئەم خەسارەتەی لە بزاڤی ڕزگاری خوازی کورد نەداوە.
ئەمەش مەودای دەوێت تا بتوانرێت کە رۆحی نەتەوی وجەستەی ماندوومان لە دەس ئەم پاوانخوازنانە بەبوژێنێنەوە کە دەبێ بەراستی خاوەندرانی مێدیا و سوشیاڵ مێدیایە بەهێزەکان رێگە خۆشکەر بن یارمەتی دەر بن دوور لە ئەم حیزبانە کار بکەن بۆ نیشتمانەکەتان
