کاتی تێکۆشان و خەبات لە پێناوی رزگاری و ڕاماڵێنی داگیرکەران و کۆتایی بە زوڵم و زۆرداری کۆماری ئیسلامییە
کاتی ئەوە هاتووە کە خەباتەکانی کوردستانی بە ئاشکرا پەیڕەو بکەین. بەو مانایەی بەشداریکردنی هەموو پارتەکان لە پێناو دەستگرتن بە ئامانج و ستراتیژیەکی بەرز کە دەستەبەری ژیان و سەقامگیری و ئاسایش و گەشەی ئێمە و نەوەکانی داهاتوو بکات.
ئەمڕۆکە لە نێو کوردستان کەس نییە کە نەیەوێت ئیدارەی کاروباری نیشتمانەکەی لە دەستی خودیاندا بێت، و بۆ گەیشتن بەم ئامانجە گرنگە پێویستمان بە هەوڵ و هاوکاری و یەکرێزیە. ئەم یەکرێزیەش بە ئاسانی مومکین نییە، باروودۆخێکی هەستیار لە ناو ماڵی داگیرکەراندایە لە ئێستادا، کە ئەوە دەخوازی کورد هەڵ ومەرجێک بۆ سەروەری نەتەوەی بێنێتە ڕەخسین، کە زامنی سەرکەوتنیش، یەکرێزی و هاوکاریە.
گەلی کورد لە ژیانێکی شکۆمەند و ئاوەدان و ئاسایشدا ناژیت ئەوەی ئێمە تیایدا گیرمان خواردووە کەی ژیانە. لە هەژاریدا گیرمان خواردووە و ئێعدام و کوشتار و تەقەکردن لێمان بەشێکە لە رووداوەکانی ڕۆژانەمان. ئێمە لە ژێر زوڵم و زۆرو دەربەدەری و کوشتاری ڕۆژانەداین. ، زۆر دڵتەزێنە بۆ ئەوەی ناوی بنێین ژیان.
ئەوەی لە دەستمان داوە قەرەبوو ناکرێتەوە و ناگەڕێتەوە. شارو دێهاتەکانیمان دێمۆگرافیان گوردراوە و لاو منداڵمان لەم زوڵمەدا لە دەستدا، کە هیچ گەڕانەوە و جێگرەوەیەکیان نییە، زیاد لە سەدان ساڵە لە ژێر هەژاری و زوڵمدا بووین، کە دەیان ساڵ دەخایەنێت تا قەرەبووی بکەینەوە.
ئێمە ڕابردوویەکی تاریکمان هەیە، ئێستاش داهاتوویەکی نادیارمان ناوێت کە گەلێکی پێ هەلفرێونین ، دەبێت بەسەر ئەم بەدبەختانەدا زاڵ بین، زاڵبوون بەسەر ئەم بەدبەختانەدا و ژیانە نەگبەتیە پێویستی بە سەروەری نەتەوەیی نەک فدرالیەت کە گرێمانداتەوە بە داگیرکەران بەکوژان لاوەکانمان.
تا ئێستاش زوڵم و سەرکوت بەرانبەر گەلەکەمان بەردەوامە ، هەر دانوستان وسازشێک خۆ بەدەستەوەدانێک خیانەتە لە ئەم خاک و ئاوە کە سەدان ساڵە خوێن لە پێناوی درێژرێت و هەزاران لاو و منداڵمان بکوژن بە بیانوو و تۆمەتی جۆراوجۆر.
کۆماری ئیسلامی مه‌‌‌به‌‌‌ستی ئه‌‌‌وه‌‌‌یه بە ته‌‌‌واوی لەنێومان ببات له هه‌‌‌موو لایه‌‌‌ن و ڕوانگه‌‌‌یه‌‌‌ک هه‌‌‌م نه‌‌‌ته‌‌‌وه‌‌‌یی و کولتووری و مێژوویی و شوناسه‌‌‌وه‌‌‌و ئه‌‌‌وه‌‌‌نده‌‌‌ی پهیوهندی به کورد و ناوی ئه‌‌‌م خاکه بێت بۆهه‌‌‌میشه لێی دوور بخاتەوە و ناوی کورد لە جیهان بسڕێتەوە.
ئەمڕۆ ئێمەی نەتەوەی کورد پێویستە لە هێڵی پێشەوە بین لە دژی لەناوبردن ڕاماڵێنی داگیرکەران . کاتی بێدەنگی کۆتایی هاتووە و ئێستا کاتی هەوڵدان و خەباتە بۆ ڕزگاری، بە تایبەت ئێمەی خەڵکی کوردستان بە لەبەرچاوگرتنی ئەو پێگەی ستراتیژی و ئەو کارەی کە هەمانە و لە تەنیشت ئەوەوە ڕێکخراوێک و قەڵایەکی بەرگریمان هەیە وەک هاوپەیمانی سەربەخۆییخوازانی کوردستان، داوا دەکاین کە دەرفەتەکە بگۆزنەوە و بەشداری ئەم کاروانە بن ، با یاوەری و هاوکار بین بۆ ئەوەی دادپەروەری ئاسایش و ژیانێکی بەختەوەرانە بۆ نەوەی ئێستا و داهاتوو جێگیر کەین.
کەسانێ کە کاتی ئەوە هاتووە زانایان و بیرمەندان و کەسانی خاوەن هەڵوێست بەئاگا و تێنوی شۆڕشێکی بەرحەقن، ئەرکی خۆیان بۆ ڕزگارکردنی میللەت و خاکەکەیان جێبەجێ بکەن و ڕێگای بەرگریکردن لە بوونیان و مانەویان بگرنە بەر.
بناغەی ژیان ئەمڕۆ لە کوردستان بەستراوەتەوە بە بەرگریی لە بەرامبەر زوڵمێ کە داگیرکەران جگە لە لەناوبردنی ناسنامەی نەتەوەیی و دابەشکردنی خاکی کوردستان هیچ ئامانجێکی دیکەی نییە.
ئەگەر ئەم ئەرکە ئینسانی و نیشتمانیە پشتگوێ بخەین، کە بەرگریکردنە لە شوناسی نەتەوەیە، بزانن بە دەستی خۆمان لەناو دەچین و ڕووبەڕووی چارەنووسی ئەو گەلانە دەبینەوە کە لە مێژووی جیهانی ئەمڕۆدا نەماون و جێگەیان نییە.
با هەوڵ بدەین لە زوڵم رزگارمان بێت و هەنگاوێک بەرەو پایەدارکردنی دادپەروەری سەروەری ژیانێکی شایستە و خەختەوەر بین بۆ ئەم گەلە نە هەر بەرنامەو ستراتێژێک کە گرێدراومان کات بە داگیرکەران.
مەنسوورتەها
